Расширенный поиск
19 Февраля 2019 года
Логин: Регистрация
Пароль: Забыли пароль?
Навигация
Словарь
  • Аманны тукъумуна къарама, игини тукъумун сорма.
  • Эркишиге тары кебек танг кёрюнюр.
  • Суугъа – таянма, джаугъа – ийнанма.
  • Терек ауса, отунчу – кёб.
  • Садакъачыны джаны – къапчыгъында.
  • Кесинге джетмегенни, кёб сёлешме.
  • Джырчы джырчыгъа – къарнаш.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Сютден ауузу кюйген, суугъа юфгюре эди.
  • Къарнынг ауруса, ауузунгу тый
  • Ётюрюкню башын керти кесер.
  • Тюзлюк шохлукъну бегитир.
  • Рысхы – насыбха къор.
  • Джумушакъ терекни къурт ашар.
  • Ёмюрлюк шохлукъну джел элтмез.
  • Агъач – джерни чырайы, кийим – эрни чырайы.
  • Иши джокъну, сыйы джокъ.
  • Дуния мал дунияда къалады.
  • Къатыны харакетли болса, эри къымсыз болур.
  • Чомарт къонакъ юй иесин сыйлар.
  • Акъылсызны джууукъгъа алма, акъыллыны кенгнге салма.
  • Аджал соруб келмез, келсе, къайтыб кетмез.
  • Билмейме деген – бир сёз
  • Аманнга игилик этсенг, юйюнге сау бармазса.
  • Джарлы джети элни сёзюн этер.
  • Эри аманны, къатыны – аман.
  • Аман киши кеси юйюнде – къонакъ.
  • Тыш элде солтан болгъандан эсе, кесинги элде олтан болгъан игиди!
  • Аз сёлеш, кёб ишле.
  • Къызгъанчдан ычхыныр, мухардан ычхынмаз.
  • Эл ауузу – элия.
  • Орну джокъну – сыйы джокъ.
  • Джырына кёре эжиую.
  • Эки къатын алгъанны къулагъы тынгнгаймаз.
  • Ачлыкъ отха секиртир.
  • Байны оноуу, джарлыгъа джарамаз.
  • Аман адам этегингден тутса, кес да къач.
  • Ишге юренсин къоллары, халкъ бла болсун джоллары.
  • Сибиртки да сыйлы болду, кюрек да кюнлю болду.
  • Чомартха хар кюн да байрамды.
  • Айранын берсенг, челегин да къызгъанма.
  • Шекер бла туз – бир болмаз, ушамагъан – юй болмаз.
  • Чоюнну башы ачыкъ болса, итге уят керекди.
  • Уллу атлама – абынырса, уллу къабма – къарылырса.
  • Ауузу бла къуш тута айланады.
  • Хаухну атма, ёнгкючню сатма.
  • Джарашыу сюйген – джалынчакъ.
  • Айтханы чапыракъдан ётмеген.
  • Юй кюйдю да, кюйюз чыкъды, ортасындан тюйюш чыкъды.
  • Джан саулукъ бермей, сан саулукъ бермезсе.

Аудио

Газаев Алим

Файлов: 54

Обновлен: 10.07.2017

  • Газаев Алим Анам
(Голосов: 8, Рейтинг: 4.5)

Описание

Дата: 17.11.2012
Прослушиваний: 5429
Скачиваний: 1071
Размер: 10.58 МБ
Текст песни:
муз. и сл. Муссы Салпагарова

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Бу дунияда джокъду, анам, санга тенг!
Джокъду, анам, санга тенг! 

Комментариев нет

  • Зарегистрируйтесь чтобы пользоваться плейлистом.