Расширенный поиск
26 Июля 2024 года
Логин: Регистрация
Пароль: Забыли пароль?
Навигация
Словарь
  • Джаш болсун, къыз болсун, акъылы, саны тюз болсун.
  • Алтыннга тот къонмаз.
  • Къуру гыбыт бек дыгъырдар.
  • Босагъагъа джууукъ орун болса, ашыгъыб тёрге озма.
  • Дууулдаса – бал чибин, къонса – къара чибин.
  • Аманнга да, игиге да оноусуз къатышма.
  • Атынг аманнга чыкъгъандан эсе, джанынг тамагъынгдан чыкъсын.
  • Къонакъ аз олтурур, кёб сынар.
  • Адамгъа аман кюн соруб келмейди.
  • Адам боллукъ, атламындан белгили болур.
  • Насыб бютеу халкъны юлюшюдю.
  • Адебсиз адам – джюгенсиз ат.
  • Къанны къан бла джуума, аманны аман бла къуума.
  • Биреу ашаб къутулур, биреу джалаб тутулур.
  • Ётюрюкден тюбю джокъ, кёлтюрюрге джиби джокъ.
  • Ишни аллы бла къууанма да, арты бла къууан.
  • Тас болгъан бычакъны сабы – алтын.
  • Суу кетер, таш къалыр.
  • Эски джаугъа ышанма.
  • Кёбден умут этиб, аздан къуру къалма.
  • Тели турса – той бузар.
  • Айыбны суу бла джууалмазса.
  • Ата Джуртуму башы болмасам да, босагъасында ташы болайым.
  • Ётюрюкчюню шагъаты – къатында.
  • Таукелге нюр джауар.
  • Игини сыйлагъан адетди.
  • Этни да ашады, бетни да ашады.
  • Элде адам къалмаса, ит тахтагъа минер.
  • Уллу суу бла уллу ауруудан башынгы сакъла.
  • Аякъларынгы джууургъанынга кёре узат.
  • Ашда – бёрю, ишде – ёлю.
  • Нарт сёз къарт болмаз.
  • Миллетни бойну – базыкъ, аны бла кюрешген – джазыкъ.
  • Кийиминг бла танылма, адамлыкъ бла таныл.
  • Эл бла кёргенинг эрелей.
  • Кёб къычыргъандан – къоркъма, тынч олтургъандан – къоркъ.
  • Абынмазлыкъ аякъ джокъ, джангылмазлыкъ джаякъ джокъ.
  • Эки элинги тыйсанг, джети элде махталырса.
  • Адамны сыфатына къарама, сёзюне къара.
  • Ойнай-ойнай кёз чыгъар.
  • Бастасын ашагъан, хантусун да ичер.
  • Акъылсызны джууукъгъа алма, акъыллыны кенгнге салма.
  • Азыкъ аз болса, эртде орун сал.
  • Ишленмеген джаш – джюгенсиз ат, ишленмеген къыз – тузсуз хант.
  • Накъырда – кертини келечиси.
  • Бети – къучакълар, джюреги – бычакълар.
  • Тёрдеги кюлсе, эшикдеги ышарыр.
  • Мухардан ач ычхынмаз.
  • Зар адам ашынгы ашар, кесинги сатар.
  • Иги – алгъыш этер, аман – къаргъыш этер.

Аудио

Газаев Алим

Файлов: 54

Обновлен: 10.07.2017

  • Газаев Алим Анам
(Голосов: 11, Рейтинг: 4.64)

Описание

Дата: 17.11.2012
Прослушиваний: 9635
Скачиваний: 2912
Размер: 10.58 МБ
Текст песни:
муз. и сл. Муссы Салпагарова

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Бу дунияда джокъду, анам, санга тенг!
Джокъду, анам, санга тенг! 

Комментариев нет

  • Зарегистрируйтесь чтобы пользоваться плейлистом.