Песен: 2 Создан:
27.11.2017 Обновлен:
27.11.2017
| 20 Июля | 2019 года |
Навигация
- Таякъ этден ётер, тил сюекден ётер.
- Гугурук къычырмаса да, тангны атары къалмаз.
- Атынг аманнга чыкъгъандан эсе, джанынг тамагъынгдан чыкъсын.
- Джыгъылгъанны сырты джерден тоймаз.
- Къобан да къуру да къобханлай турмайды, адам да къуру да патчахлай турмайды.
- Бёрю да ач къалмасын, эчки да ашалмасын.
- Хансыз джомакъ болмаз.
- Джылар джаш, атасыны сакъалы бла ойнар.
- Атадан ёксюз – бир ёксюз, анадан ёксюз – эки ёксюз.
- Чомартны къолу берекет.
- Эки къатын алгъанны къулагъы тынгнгаймаз.
- Ёгюзню мюйюзлери ауурлукъ этмейдиле.
- Айтылгъан буйрукъ, сёгюлмез
- Джаш болсун, къыз болсун, акъылы, саны тюз болсун.
- Таукел адам тау тешер.
- Рысхы – насыбха къор.
- Урама да – ёледи, сатама да – келеди.
- Тёзгеннге, джабылгъан эшик ачылыр.
- Чыкълы кюнде чыкъмагъан, чыкъса къуру кирмеген.
- Адамны адамлыгъы къыйынлыкъда айгъакъланады.
- Акъыллы айтыр эди, акъылсыз къоймайды.
- Къызын тута билмеген, тул этер, джашын тута билмеген, къул этер.
- Ашыкъгъан cуу, тенгизге джетмез.
- Ишленмеген джаш – джюгенсиз ат, ишленмеген къыз – тузсуз хант.
- Тас болгъан бычакъны сабы – алтын.
- Аман адам этегингден тутса, кес да къач.
- Чакъырылмай келген къонакъ сыйланмай кетер.
- Башда акъыл болмаса, эки аякъгъа кюч джетер.
- Уллу сёзде уят джокъ.
- Джумушакъ сёз къаты таякъны сындырыр.
- Джюрекге ариу – кёзге да ариу.
- Къайгъы тюбю – тенгиз.
- Этни да ашады, бетни да ашады.
- Джарлыны эшигин махтагъан джабар.
- Кёб ант этген, кёб ётюрюк айтыр.
- Чабакъсыз кёлге къармакъ салгъанлыкъгъа, чабакъ тутмазса.
- Байлыкъ адамны сокъур этер.
- Джангызны оту джарыкъ джанмаз!
- Чалманны аллы къалай башланса, арты да алай барады.
- Чакъырылмагъан къонакъ – орунсуз.
- Акъыл аздырмаз, билим тоздурмаз.
- Кийимни бир кюнню аясанг, минг кюннге джарар.
- Урунуу – насыбны анасы.
- Телини эшигин, махтау джабар.
- Аман адам элни бир-бирине джау этер.
- Ашыкъгъанны этеги бутуна чырмалыр.
- Бир онгсуз адам адет чыгъарды, деб эштирик тюлсе.
- Акъыллы – эл иеси, тели – эл баласы.
- Къарны аманнга къазан такъдырма, къолу аманнга от джакъдырма.
- Ариу сёз аурууунгу алыр.
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
