Песен: 1 Создан:
06.05.2015 Обновлен:
06.05.2015
| 12 Июля | 2025 года |
Навигация
- Иги сеники эсе да, сюйген кесимикин этеме.
- Аман адамны тепсинге олтуртсанг, къызынгы тилер.
- Сабийликде юретмесенг, уллу болса – тюзелмез.
- Ариу джол аджал келтирмез.
- Адам къаллай бир ишленмесе, аллай бир кесин уллу кёреди.
- Терслик кетер, тюзлюк джетер.
- Джумушакъ терекни къурт ашар.
- Таукел къуру къалмаз.
- Уллу сёзде уят джокъ.
- Айраннга суу къош, телиге джол бош.
- Кийимни бичсенг, кенг бич, тар этген къыйын тюлдю.
- Хаухну атма, ёнгкючню сатма.
- Къарны аманнга къазан такъдырма, къолу аманнга от джакъдырма.
- Иги болса, тамадама – махтау, аман болса, меннге – айыб.
- Тенги кёбню джау алмаз, акъылы кёбню дау алмаз.
- Кёл – къызбай, къол – батыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Айныгъанлы алты кюн, тогъайгъанлы тогъуз кюн.
- Тойгъанлыкъ къойгъа джарашады.
- Къобан да къуру да къобханлай турмайды, адам да къуру да патчахлай турмайды.
- Зар адамны насыбы болмаз.
- Биреуге кёлтюрген таягъынг, кесинги башынга урур.
- Аууздан келген, къолдан келсе, ким да патчах болур эди.
- Айыбны суу бла джууалмазса.
- Ханнга да келеди хариблик.
- Ашхы адам – халкъ байлыгъы, ашхы джер – джашау байлыгъы.
- Арпа, будай – ащды, алтын, кюмюш а – ташды.
- Бастасын ашагъан, хантусун да ичер.
- Бетинги сатма, малынгы сат.
- «Ма», - дегенни билмесенг, «бер», - дегенни билмезсе.
- Алтыда кюлмеген, алтмышда кюлмез.
- Ариу сёз – къылычдан джити.
- Келгинчи, къонакъ уялыр, келгенден сора, къонакъбай уялыр.
- Чакъырылмагъан джерге барма, чакъырылгъан джерден къалма.
- Мен да «сен», дейме, сен да «кесим», дейсе.
- Ишлемеген – тишлемез.
- Къолу уллу – асыу, аягъы уллу – джарсыу.
- Къайгъыны сюйген, къайгъы табар.
- Эллинг бла джау болсанг да, юйюнг бла джау болма.
- Къартны бурнун сюрт да, оноугъа тут.
- Гугук кесини атын айтыб къычыргъанча, мен, мен деб нек тураса?
- Кёзден кетген, кёлден да кетеди.
- Байлыкъ тауусулур, билим тауусулмаз.
- Ёзденликни джайгъан – джокълукъ.
- Ушамагъан – джукъмаз.
- Къалгъан ишге къар джауар.
- Айран ичген – къутулду, джугъусун джалагъан – тутулду.
- Зарда марда джокъ.
- Джумушакъ сёз къаты таякъны сындырыр.
- Суу ичген шауданынга тюкюрме.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
