Песен: 2 Создан:
06.05.2015 Обновлен:
06.05.2015
| 24 Июня | 2018 года |
Навигация
- Ётюрюкню къуйругъу – бир тутум.
- Къалгъан ишге къар джауар.
- Адебни адебсизден юрен.
- Телиге от эт десенг, юйюнге от салыр.
- Акъыл сабырлыкъ берир.
- Ушамагъан – джукъмаз.
- Баш – акъыл ючюн, акъылман – халкъ ючюн.
- Алтыда кюлмеген, алтмышда кюлмез.
- Агъач халкъгъа алтынды, иссиликге салкъынды.
- Билмезни кёзю кёрмез, этмезни къулагъы эшитмез.
- Ишин билген, аны сыйын чыгъарады.
- Ётген ёмюр – акъгъан суу.
- Иги адамны бир сёзю эки болмаз.
- Ёлмесенг да, къарт дамы болмазса?
- Къобан да къуру да къобханлай турмайды, адам да къуру да патчахлай турмайды.
- Ариу сёз аурууунгу алыр.
- Джылкъыдан – ат чыгъар, тукъумдан – джаш чыгъар.
- Бозанг болмагъан джерге, къалагъынгы сукъма.
- Чакъырылмагъан къонакъ къачан кетерин сормаз.
- Сёз садакъдан кючлюдю.
- Байлыкъдан саулукъ ашхыды.
- Къарт бла баш аша, джаш бла аякъ аша.
- Эм уллу байлыкъ – джан саулукъ.
- Къолу уллу – асыу, аягъы уллу – джарсыу.
- Эл ауузу – элек, анга ийнаннган – халек.
- Игини сыйлагъан адетди.
- Джумушакъ сёз къаты таякъны сындырыр.
- Экеу тутушса, биреу джыгъылыр.
- Нёгерсизни джолу узун.
- Эки итни арасына сюек атма, эки адамны арасында сёз чыгъарма.
- Ойнай билмеген, уруб къачар.
- Джаш къарыу бла кючлю, къарт акъыл бла кючлю.
- Къызгъанчдан ычхыныр, мухардан ычхынмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аманнга да, игиге да оноусуз къатышма.
- Дуния малгъа сатылма, кесингден телиге къатылма.
- Ёзденликни джайгъан – джокълукъ.
- Малны кют, джерни тюрт.
- Харам къарнашдан, халал тенг ашхы.
- Кийимни бир кюнню аясанг, минг кюннге джарар.
- Ариуну – ауруу кёб.
- Азыкълы ат арымаз, къатыны аман джарымаз.
- Рысхы джалгъанды: келген да этер, кетген да этер.
- Джан саулукъ бермей, сан саулукъ бермезсе.
- Тойгъа алгъа да барма, тойда артха да къалма.
- Адеб этмеген, адеб кёрмез.
- Ач къарным, тынч къулагъым.
- Къарнынг къанлынга кийирир.
- Аманны къуугъан, аманлыкъ табар.
- Тик ёргени, тик энгишгеси да болады.
Фонд содействия развитию карачаево-балкарской молодежи «Эльбрусоид»
© 2003-2018 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
