Песен: 2 Создан:
06.05.2015 Обновлен:
06.05.2015
| 16 Апреля | 2021 года |
Навигация
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Нёгер болсанг, тенг бол, тенг болмасанг, кенг бол.
- Кечеси – аяз, кюню – къыш, джарлы къаргъагъа бир аш тюш!
- Тау башында, тау болмаз, джангыз терек, бау болмаз.
- Гитче джилтин уллу элни джандырыр.
- Тенгни тенглиги джашай барсанг билинир.
- Орну джокъну – сыйы джокъ.
- Билим ат болуб да чабар, къуш болуб да учар.
- Тойгъа барсанг, тоюб бар, эски тонунгу къоюб бар.
- Ишге юренсин къоллары, халкъ бла болсун джоллары.
- Сабыр джетер муратха, сабырсыз къалыр уятха.
- Адам боллукъ, атламындан белгили болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Эрни эр этерик да, къара джер этерик да, тиширыуду.
- Адеби болмагъан къыз – тузсуз хант.
- Иесиз малны бёрю ашар.
- Къызбайны юйюне дери сюрсенг, батыр болур.
- Джарлыны тону джаз битер.
- Этек чакъмакълары баш джаргъан, сёлешген сёзлери таш джаргъан.
- Ачыу алгъа келсе, акъыл артха къалады.
- Кирсизни – саны таза, халалны – къаны таза.
- Эм ашхы къайын ана мамукъ бла башынгы тешер.
- Чабакъгъа акъыл, табагъа тюшсе келеди.
- Асхат ашлыкъ сата, юйдегиси ачдан къата.
- Уллу айтханны этмеген – уллаймаз.
- Насыблы элин сюер, насыбсыз кесин сюер.
- Тойчу джашха къарама, къойчу джашха къара.
- Тойну къарнашы – харс, джырны къарнашы – эжиу.
- Магъанасыз сёз – тауушсуз сыбызгъы.
- Аман адам этегингден тутса, кес да къач.
- Тюкюрюк баш джармаз, налат кёз чыгъармаз!
- Чомартха хар кюн да байрамды.
- Айныгъанлы алты кюн, тогъайгъанлы тогъуз кюн.
- Ариу сёз аурууунгу алыр.
- Телини эшигин, махтау джабар.
- Адеб этмеген, адеб кёрмез.
- Шайтан алдады, тюзлюк къаргъады.
- Айтхан – тынч, этген – къыйын.
- Ёлюр джаннга, ёкюл джокъ.
- Эшекге миннген – биринчи айыб, андан джыгъылгъан – экинчи айыб.
- Суугъа – таянма, джаугъа – ийнанма.
- Джуртун къоругъан озар.
- Эркишиге тары кебек танг кёрюнюр.
- Чакъырылмай келген къонакъ сыйланмай кетер.
- Биреу ашаб къутулур, биреу джалаб тутулур.
- Ёлген эшек бёрюден къоркъмайды.
- Телиге акъыл салгъандан эсе, ёлгеннге джан салырса.
- Тиширыусуз юй – отсуз от джагъа.
- Кёлю джокъну – джолу джокъ.
- Адам къаллай бир ишленмесе, аллай бир кесин уллу кёреди.
Фонд содействия развитию карачаево-балкарской молодежи «Эльбрусоид»
© 2003-2021 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
