Песен: 1 Создан:
06.05.2015 Обновлен:
06.05.2015
| 16 Февраля | 2019 года |
Навигация
- Эл бла кёргенинг эрелей.
- Накъырданы арты керти болур.
- Садакъачыны джаны – къапчыгъында.
- Бети – къучакълар, джюреги – бычакълар.
- Кийим тукъум сордурур.
- Адамгъа аман кюн соруб келмейди.
- Билмегенинги, билгеннге сор.
- Эл ауузу – элия.
- Биреуню къыйынлыгъы бла кесинге джол ишлеме.
- Джашда акъыл джокъ, къартда къарыу джокъ.
- Aдам боллукъ, сыфатындан белгили.
- Этим кетсе да, сюегим къалыр.
- Бал – татлы, балдан да бала – татлы.
- Къарны аманнга къазан такъдырма, къолу аманнга от джакъдырма.
- Уллу суу бла уллу ауруудан башынгы сакъла.
- Кёлю джокъну – джолу джокъ.
- Агъач – джерни чырайы, кийим – эрни чырайы.
- Тёзген – тёш ашар!
- Джырчы ёлсе, джыры къалыр.
- Ётюрюкню башын керти кесер.
- Ариу сёз – къылычдан джити.
- Мадар болса, къадар болур.
- Босагъа таш юйге кирмей эди, тыбыр таш эшикге чыкъмай эди.
- Хантына кёре тузу, юйюне кёре къызы.
- Керилген да, ургъан кибикди.
- Терек ауса, отунчу – кёб.
- Кесине гебен этелмеген, биреуге черен эте эди.
- Сагъышы джокъ – джукъучу, акъылы джокъ – къаугъачы.
- Мал кёб болса, джууукъ кёб болур.
- Акъыл бла адеб эгизледиле.
- Келгинчи, къонакъ уялыр, келгенден сора, къонакъбай уялыр.
- Айырылгъанланы айю ашар, бёлюннгенлени бёрю ашар.
- Ишленмеген джаш – джюгенсиз ат, ишленмеген къыз – тузсуз хант.
- Эки къатын алгъанны къулагъы тынгнгаймаз.
- Тёгюлген тюгел джыйылмайды.
- Ичимден чыкъды хата, къайры барайым сата?
- Ата Джуртун танымагъан, атасын да танымаз.
- Джылар джаш, атасыны сакъалы бла ойнар.
- Къонакъны къачан кетерин сорма, къачан келлигин сор.
- Ана къойну – балагъа джандет.
- Игини сыйлагъан адетди.
- Аз сёлешген, къайгъысыз турур.
- Джол бла сёзню къыйыры джокъ.
- Эри аманны, къатыны – аман.
- Алма терегинден кери кетмез.
- Биреуге аманлыкъ этиб, кесинге игилик табмазса.
- Ат басханны джер билед.
- Зар адамны насыбы болмаз.
- Адам къаллай бир ишленмесе, аллай бир кесин уллу кёреди.
- Мухар, кеси тойса да, кёзю тоймаз.
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
