Песен: 8 Создан:
06.05.2015 Обновлен:
06.05.2015
| 21 Октября | 2018 года |
Навигация
- Азыкълы ат арымаз, къатыны аман джарымаз.
- Сабыр джетер муратха, сабырсыз къалыр уятха.
- Мен да «сен», дейме, сен да «кесим», дейсе.
- Ауузу бла къуш тута айланады.
- Иги адамны бир сёзю эки болмаз.
- Элде адам къалмаса, ит тахтагъа минер.
- Къонакъны къачан кетерин сорма, къачан келлигин сор.
- Къатын къылыкъсыз, эр тынчлыкъсыз.
- Къайгъы тюбю – тенгиз.
- Джолунга кёре – джюрюшюнг, джагъанга кёре – юлюшюнг.
- Чабакъсыз кёлге къармакъ салгъанлыкъгъа, чабакъ тутмазса.
- Бермеген къол, алмайды.
- Дуния мал дунияда къалады.
- Ашына кёре табагъы, балына кёре къалагъы.
- Кёзю сокъурдан – къоркъма, кёлю сокъурдан – къоркъ.
- Ариу – кёзге, акъыл – джюрекге.
- Таула не мийик болсала да, аууш табылыр.
- Джыгъылгъанны сырты джерден тоймаз.
- Уясында не кёрсе, учханында аны этер.
- Магъанасыз сёз – тауушсуз сыбызгъы.
- Джарашыу сюйген – джалынчакъ.
- Джангыз торгъай джырламаз.
- Акъыл сабырлыкъ берир.
- Дженгил джетерикме деб, узун джолну къоюб, къысхасын барма.
- Ариу сёз – джаннга азыкъ, аман сёз – башха къазыкъ.
- Телини эшигин, махтау джабар.
- Аманнга игилик этсенг, юйюнге сау бармазса.
- Адамгъа аман кюн соруб келмейди.
- Мухарны эси – ашарыкъда.
- Ашхылыкъ джерде джатмайды, аманлыкъ суугъа батмайды.
- Азыкъ аз болса, эртде орун сал.
- Ариуну – ауруу кёб.
- Этни да ашады, бетни да ашады.
- Байлыкъдан саулукъ ашхыды.
- Адам боллукъ, атламындан белгили болур.
- Экеу тутушса, биреу джыгъылыр.
- Къарын къуру болса, джюрек уру болур.
- Джарлыны тону джаз битер.
- Биреу къой излей, биреу той излей.
- Адамны бетине къарама, адетине къара.
- Ач уят къоймаз.
- Чакъырылгъанны аты, чакъырылмагъанны багъасы болур.
- Танг атмайма десе да, кюн къоярыкъ тюйюлдю.
- Тилчи бир сагъатха айлыкъ хата этер.
- Аджалсыз ёлюм болмаз.
- Келинни – келгинчи, бёркню кийгинчи кёр.
- Джогъун бар этген, барын бал этген.
- Билим насыб берир, билим джолну керир.
- Аманнга алтын чыдамаз.
- Башда акъыл болмаса, эки аякъгъа кюч джетер.
Фонд содействия развитию карачаево-балкарской молодежи «Эльбрусоид»
© 2003-2018 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
