Песен: 1 Создан:
06.05.2015 Обновлен:
06.05.2015
| 6 Декабря | 2025 года |
Навигация
- Тас болгъан бычакъны сабы – алтын.
- Ишлегенде эринме, ишде чолакъ кёрюнме.
- Ач – эснер, ат – кишнер.
- Телиге от эт десенг, юйюнге от салыр.
- Атлыны ашхысы, ат тизгининден билинир
- Чомартны къолу берекет.
- Адамны адамлыгъы къыйынлыкъда айгъакъланады.
- Акъыллы башны – тили къысха.
- Джолунга кёре – джюрюшюнг, джагъанга кёре – юлюшюнг.
- Биреуню тёрюнден, кесинги эшик артынг игиди.
- Чыкълы кюнде чыкъмагъан, чыкъса къуру кирмеген.
- Джаш болсун, къыз болсун, акъылы, саны тюз болсун.
- Билимсиз иш бармаз.
- Джарлыны тону джаз битер.
- Окъугъан – асыу, окъумагъан – джарсыу.
- Эшекни не къадар тюйсенг да, ат болмаз.
- Къарт бла баш аша, джаш бла аякъ аша.
- Адебсиз адам – джюгенсиз ат.
- Тамчы таш тешер.
- Гугурук къычырмаса да, тангны атары къалмаз.
- Джерни букъусу кёкге къонмаз.
- Къошда джокъгъа – юлюш джокъ.
- Акъыл аздырмаз, билим тоздурмаз.
- Босагъа таш юйге кирмей эди, тыбыр таш эшикге чыкъмай эди.
- Шапа кёб болса, аш татымсыз болур.
- Ата джурт – алтын бешик.
- Ашда уялгъан – мухар, ишде уялгъан – хомух.
- Къарнынг бла ёч алма.
- Джюз элде джюз ёгюзюм болгъандан эсе, джюз джууугъум болсун.
- Ач бёрюге мекям джокъ.
- Биреуню эскиси биреуге джангы болмайды.
- Тойгъан джерден туугъан джер игиди.
- Джуртун къоругъан озар.
- Къазанда болса, чолпугъа чыгъар.
- Ана къолу ачытмаз.
- Кюл тюбюндеги от кёрюнмейди.
- Чомарт къонакъ юй иесин сыйлар.
- Айраннга суу къош, телиге джол бош.
- Тойгъандан сора, ашны сёкме.
- Окъугъан озар, окъумагъан тозар.
- Тюз сёз баргъан сууну тыяр.
- Аууз сакълагъан – джан сакълар.
- Хатерли къул болур.
- Къарнынг къанлынга кийирир.
- Берекет берсин деген джерде, берекет болур.
- Онгсузну – джакъла, тенгликни – сакъла.
- Ишлемеген – тишлемез.
- Тёзген – тёш ашар!
- Ханы къызы буюгъа-буюгъа киштик болду.
- Тил – кесген бычакъ, сёз – атылгъан окъ.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
