Песен: 2 Создан:
06.05.2015 Обновлен:
06.05.2015
| 17 Ноября | 2025 года |
Навигация
- Келлик заман – къартлыкъ келтирир, кетген заман – джашлыкъ ёлтюрюр.
- Ёксюзню къалачы уллу кёрюнюр.
- Эки къатын алгъанны къулагъы тынгнгаймаз.
- Эри аманны, къатыны – аман.
- Иги болса, тамадама – махтау, аман болса, меннге – айыб.
- Бойнуму джети джерден кессенг да, мен ол ишни этеллик тюлме.
- Татлы сёз – балдан татлы.
- Халкъгъа джарагъан, джарлы къалмаз.
- Ауузу бла къуш тута айланады.
- Къууут – джелге, берне – бошха.
- Къарт болгъан джерде, берекет болур, сабий болгъан джерде, оюн болур.
- Джиби бир къат джетмей эди да, эки къат тарта эди.
- Къонагъы джокъну – шоху джокъ.
- Нёгерсизни джолу узун.
- Билген билмегенни юретген адетди.
- Ишин билген, аны сыйын чыгъарады.
- Тешигини къатында, чычхан да батыр болур.
- Бюгюн дуния кибик, тамбла ахыратды.
- Минг тенг да азды, бир джау да кёбдю.
- Келгинчи, къонакъ уялыр, келгенден сора, къонакъбай уялыр.
- Ёгюзню мюйюзлери ауурлукъ этмейдиле.
- Тойчу джашха къарама, къойчу джашха къара.
- Ушамагъан – джукъмаз.
- Тенги кёбню джау алмаз, акъылы кёбню дау алмаз.
- Рысхысына кёре, джаш ёсер, къышлыгъына кёре, мал ёсер.
- Урунуу – насыбны анасы.
- Нёгер болсанг, тенг бол, тенг болмасанг, кенг бол.
- Ётюрюкден тюбю джокъ, кёлтюрюрге джиби джокъ.
- Кимни – тили, тиши онглу, кимни – къолу, иши онглу.
- Дженгил джетерикме деб, узун джолну къоюб, къысхасын барма.
- Кёб джат да, бек чаб.
- Элге къуллукъ этмеген, элге ие болмаз.
- Кеси юйюмде мен да ханма.
- Джашны джигитлиги сорулур, къызны джигерлиги сорулур.
- Къыйынлы джети элни къайгъысын этер.
- Къайтырыкъ эшигинги, къаты уруб чыкъма.
- Ёнгкюч къууана барыр, джылай келир.
- Биреуге аманлыкъны тилеме да, кесинге ашхылыкъны тиле.
- Ариу джол аджал келтирмез.
- Тёрде – темир таякълы, къаяда – чыпчыкъ аякълы.
- Ата Джуртча джер болмаз, туугъан элча эл болмаз.
- Хар сёзню орну барды.
- Нафысынгы айтханын этме, намысынгы айтханын эт.
- Къайгъыны сюйген, къайгъы табар.
- Хата – гитчеден.
- Джарлыны эшигин махтагъан джабар.
- Къазанны башы ачыкъ болса, итге уят керекди.
- Ариу сёз джыланны орнундан чыгъарыр.
- Ойнай билмеген, уруб къачар.
- Джырчы джырчыгъа – къарнаш.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
