Песен: 2 Создан:
06.05.2015 Обновлен:
06.05.2015
| 19 Апреля | 2024 года |
Навигация
- Чомартха Тейри да борчлуду.
- Джауумдан сора, кюн кюйдюрюр, ётюрюкден сора, айыб кюйдюрюр.
- Бастасын ашагъан, хантусун да ичер.
- Ата Джуртуму башы болмасам да, босагъасында ташы болайым.
- Аман хансны – урлугъу кёб.
- Эки ойлашыб, бир сёлешген.
- Джюрек кёзден алгъа кёрюр.
- Сибиртки да сыйлы болду, кюрек да кюнлю болду.
- Къызны минг тилер, бир алыр.
- Ашда – бёрю, ишде – ёлю.
- Къарт бла баш аша, джаш бла аякъ аша.
- Азыгъы аз, алгъа къабар, аты аман, алгъа чабар.
- Бир абыннган – минг сюрюнюр.
- Ашхы адам – халкъ байлыгъы, ашхы джер – джашау байлыгъы.
- Рысхы джалгъанды: келген да этер, кетген да этер.
- Тёзгеннге, джабылгъан эшик ачылыр.
- Ушамагъан – джукъмаз.
- Тюзлюк тас болмайды.
- Мухар, кеси тойса да, кёзю тоймаз.
- Кесинге джетмегенни, кёб сёлешме.
- Джырчы ёлсе, джыры къалыр.
- Кирсизни – саны таза, халалны – къаны таза.
- Танг атмайма десе да, кюн къоярыкъ тюйюлдю.
- Мал ёлсе, сюек къалыр, адам ёлсе, иши къалыр.
- Босагъа таш юйге кирмей эди, тыбыр таш эшикге чыкъмай эди.
- Сагъышы джокъ – джукъучу, акъылы джокъ – къаугъачы.
- Тенги кёбню джау алмаз, акъылы кёбню дау алмаз.
- Къанны къан бла джуума, аманны аман бла къуума.
- Акъыл бла адеб эгизледиле.
- Келлик заман – къартлыкъ келтирир, кетген заман – джашлыкъ ёлтюрюр.
- Акъыллы айтыр эди, акъылсыз къоймайды.
- Эринчекни аурууу – кёб.
- Ишлегенден, къарагъан уста.
- Къатын къылыкъсыз, эр тынчлыкъсыз.
- Ишни аллы бла къууанма да, арты бла къууан.
- Арпа, будай – ащды, алтын, кюмюш а – ташды.
- Миллетни бойну – базыкъ, аны бла кюрешген – джазыкъ.
- Къалгъан ишге къар джауар.
- Ёпкелегенни ашы татлы болады.
- Суугъа – чабакъ, къаягъа – ыргъакъ.
- Джашынгы кесинг юретмесенг, джашау юретир.
- Нарт сёз къарт болмаз.
- Борчунг бар эсе, хурджунунга ойлаб узал.
- Ауругъан – джашаудан умутчу.
- Ётюрюкчюню шагъаты – къатында.
- Ёлген аслан – сау чычхан.
- Окъугъан – асыу, окъумагъан – джарсыу.
- Гугурук къычырмаса да, тангны атары къалмаз.
- Адеби болмагъан къыз – тузсуз хант.
- Эр сокъур болсун, къатын тилсиз болсун.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
