Песен: 7 Создан:
06.05.2015 Обновлен:
06.05.2015
| 25 Мая | 2020 года |
Навигация
- Аджал соруб келмез, келсе, къайтыб кетмез.
- Мураты болгъанны джюрек тебюую башхады.
- Нарт сёз къарт болмаз.
- Керти сёзге тёре джокъ.
- Къайгъы тюбю – тенгиз.
- Тин – байлыгъынг, терен саулугъунг.
- Магъанасыз сёз – тауушсуз сыбызгъы.
- Акъыллы – эл иеси, тели – эл баласы.
- Кёлю джокъну – джолу джокъ.
- Шапа кёб болса, аш татымсыз болур.
- Билгенни къолу къарны джандырыр.
- Шекер бла туз – бир болмаз, ушамагъан – юй болмаз.
- Баш болса, бёрк табылыр.
- Юреннген ауруу къалмаз.
- Кесине гебен этелмеген, биреуге черен эте эди.
- Эринчекни эр алмаз, эр алса да, кёл салмаз, кёл салса да, кёб бармаз!
- Ёлмесенг да, къарт дамы болмазса?
- Джангыз терек къынгыр ёсер.
- Уллу къазанда бишген эт, чий къалмаз.
- Кёбге таш атма.
- Акъдан къара болмаз.
- Уллу атлама – абынырса, уллу къабма – къарылырса.
- Окъумагъан сокъурду, сокъур ташха абыныр!
- Биреуню эскиси биреуге джангы болмайды.
- Эртде тургъан джылкъычыны эркек аты тай табар.
- Къонагъы джокъну – шоху джокъ.
- Огъурлуну сёзю – суу, огъурсузну сёзю – уу.
- Мухардан ач ычхынмаз.
- Адеб этмеген, адеб кёрмез.
- Адеби болмагъан къыз – тузсуз хант.
- Айтхан сёзюне табылгъан.
- Тил бла келеди джыр да.
- Ышармагъан – кюлмез, кюлмеген – къууанчны билмез.
- Къарнынг къанлынга кийирир.
- Бек ашыкъгъан меннге джетсин, дегенди аракъы.
- Термилгенинги табмазса, кюлгенинге тюберсе.
- Мени джылытмагъан кюн, меннге тиймесин!
- Къыйынлы джети элни къайгъысын этер.
- Уллу къашыкъ эрин джыртар.
- Арбаз сайлама да, хоншу сайла.
- Гыдай эчки суугъа къараб, мюйюзле кёрмесе, джашма алкъын, дегенди.
- Ана – юйню кюн джарыгъы.
- Башсыз урчукъ тюзюне айланмаз.
- Биреуге кёлтюрген таягъынг, кесинги башынга урур.
- Керек ташны ауурлугъу джокъ.
- Джырына кёре эжиую.
- Ачыу алгъа келсе, акъыл артха къалады.
- Хоншуну тауугъу къаз кёрюнюр, келини къыз кёрюнюр.
- Билмейме деген – бир сёз
- Кийим тукъум сордурур.
Фонд содействия развитию карачаево-балкарской молодежи «Эльбрусоид»
© 2003-2020 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
