Аудио :: Аудио:: Джукаев Рашит

Тюзлюк шохлукъну бегитир.
Адам сёзге тынгыла, акъыл сёзню ангыла.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Терек ауса, отунчу – кёб.
Биреуге аманлыкъ этиб, кесинге игилик табмазса.
Ётюрюкчюню шагъаты – къатында.
Игиге айтсанг – билир, аманнга айтсанг – кюлюр.
Ёлюр джаннга, ёкюл джокъ.
Къая джолда джортма, ачыкъ сёзден къоркъма.
Ашлыкъны арба юйге келтирир, чана базаргъа элтир.
Къонакъ аман болса, къонакъбай джунчур
Халкъгъа джарагъан, джарлы къалмаз.
Байны оноуу, джарлыгъа джарамаз.
Ауузу бла къуш тута айланады.
Билмегенинги, билгеннге сор.
Ариу джол аджал келтирмез.
Байдан умут эте, джарлыдан ёгюз багъасы къорады.
Джерни букъусу кёкге къонмаз.
Огъурлуну сёзю – суу, огъурсузну сёзю – уу.
Арба аугъандан сора, джол кёргюзтюучю кёб болур.
Байлыкъ тауусулур, билим тауусулмаз.
Аманнга игилик этсенг, юйюнге сау бармазса.
Ханнга да келеди хариблик.
Джигер – джаннга къыйынлыкъ.
Ата Джуртча джер болмаз, туугъан элча эл болмаз.
Нёгерсизни джолу узун.
Джюз элде джюз ёгюзюм болгъандан эсе, джюз джууугъум болсун.
Къызбайны юйюне дери сюрсенг, батыр болур.
Къулакъдан эсе, кёзге ышан.
Хантына кёре тузу, юйюне кёре къызы.
Ёлген аслан – сау чычхан.
Акъыллы башны – тили къысха.
Сабий кёргенин унутмаз.
Босагъа таш юйге кирмей эди, тыбыр таш эшикге чыкъмай эди.
Тойгъан джерден туугъан джер игиди.
Ана кёлю – балада, бала кёлю – талада.
Мал ёлсе, сюек къалыр, адам ёлсе, иши къалыр.
Ашхы – джыяр, аман – джояр.
Тюзню ётмеги тюзде къалса да, тас болмаз.
Эрине къаргъыш этген къатын, эрнин къабар.
Акъылсызны джууукъгъа алма, акъыллыны кенгнге салма.
Тешигини къатында, чычхан да батыр болур.
Киштикге къанат битсе, чыпчыкъ къалмаз эди.
Чомартны къолу берекет.
Къар – келтирди, суу – элтди.
Ойнаб айтсанг да, эслеб айт.
Аман адам этегингден тутса, кес да къач.
Эртде тургъан бла эртде юйленнген сокъуранмаз.
Атлыны кёрсе, джаяуну буту талыр.
Нёгер болсанг, тенг бол, тенг болмасанг, кенг бол.

Логин:	Регистрация

Пароль:	Забыли пароль?

Запомнить меня

Аудио

Джукаев Рашит

Скачать

Адрес