Аудио :: Аудио:: Алиев Заур

Эринчекни эр алмаз, эр алса да, кёл салмаз, кёл салса да, кёб бармаз!
Тулпарлыкъ, билекден тюл – джюрекден.
Ёзденликни джайгъан – джокълукъ.
Хата – гитчеден.
Ач бёрюге мекям джокъ.
Ойнай билмеген, уруб къачар.
Ишленмеген джаш – джюгенсиз ат, ишленмеген къыз – тузсуз хант.
Айран ичген – къутулду, джугъусун джалагъан – тутулду.
Насыб бютеу халкъны юлюшюдю.
Байма, деб да, къууанма, джарлыма, деб да, джылама.
Ашлыкъны арба юйге келтирир, чана базаргъа элтир.
Ачыкъ джюрекге джол – ачыкъ.
Хоншуну тауугъу къаз кёрюнюр, келини къыз кёрюнюр.
Суу кетер, таш къалыр.
Башынга джетмегенни сорма.
Ёлюр джаннга, ёкюл джокъ.
Аурууну келиую тынч, кетиую – къыйын.
Ауурну тюбю бла, дженгилни башы бла джюрюген.
Татлы сёз – балдан татлы.
Иги адамны бир сёзю эки болмаз.
Арбаз къынгырды да, ийнек сауалмайма.
Урама да – ёледи, сатама да – келеди.
Ишлемеген – тишлемез.
Рысхы – сют юсюнде кёмюк кибикди.
Байдан умут эте, джарлыдан ёгюз багъасы къорады.
Аманны тукъумуна къарама, игини тукъумун сорма.
Халкъны джырын джырласанг, халкъ санга эжиу этер.
Ким бла джюрюсенг, аны кёзю бла кёрюнюрсе.
Бир онгсуз адам адет чыгъарды, деб эштирик тюлсе.
Эри аманны, къатыны – аман.
Билими азны – ауузунда кирит.
Ач къарным, тынч къулагъым.
Аманнга игилик этсенг, юйюнге сау бармазса.
Къалгъан ишге къар джауар.
Туз, гырджын аша, тюзлюк бла джаша.
Акъыллы айтыр эди, акъылсыз къоймайды.
Итли къонакъ джарашмаз.
Кюл тюбюндеги от кёрюнмейди.
Чыбыкълыкъда бюгюлмеген, къазыкълыкъда бюгюлмей эди.
Джогъун бар этген, барын бал этген.
Накъырданы арты керти болур.
Билим ат болуб да чабар, къуш болуб да учар.
Эски джаугъа ышанма.
Тилде сюек болмаса да, сюек сындырыр.
Берекет берсин деген джерде, берекет болур.
Акъыл сабырлыкъ берир.
Юй ишлеген балта эшикде къалыр.
Аджашханны ызындагъы кёреди, джангылгъанны джанындагъы биледи.
Азыкълы ат арымаз, къатыны аман джарымаз.
Тенгинг джокъ эсе – изле, бар эсе – сакъла!

Логин:	Регистрация

Пароль:	Забыли пароль?

Запомнить меня

Аудио

Алиев Заур

Скачать

Адрес