Аудио :: Аудио:: Алиев Заур

Огъурлуну сёзю – суу, огъурсузну сёзю – уу.
Сёз сёзню айтдырыр.
Джарлы джети элни сёзюн этер.
Чомартны къолун джокълукъ байлар.
Ашхы сёз таш тешер.
Этни да ашады, бетни да ашады.
Ашлыкъ – бюртюкден, джюн – тюкден.
Босагъа таш юйге кирмей эди, тыбыр таш эшикге чыкъмай эди.
Джангыз терек къынгыр ёсер.
Аш берме да, къаш бер.
Айран тёгюлсе, джугъусу къалыр.
Аманны эки битли тону болур, бирин сеннге кийдирир, бирин кеси киер.
Ёпкелегенни ашы татлы болады.
Ач да бол, токъ да бол – намысынга бек бол.
Къуру гыбыт бек дыгъырдар.
Юйлю уругъа ит чабмаз.
Айырылмаз джууугъунга, унутмаз сёзню айтма.
Ётюрюкню башын керти кесер.
Кёзню ачылгъаны – иги, ауузну джабылгъаны – иги.
Хоншуну тауугъу къаз кёрюнюр, келини къыз кёрюнюр.
Эм ашхы къайын ана мамукъ бла башынгы тешер.
Чакъырылмагъан къонакъ – орунсуз.
Кирсизни – саны таза, халалны – къаны таза.
Эрни эр этерик да, къара джер этерик да, тиширыуду.
Экеулен сёлеше тура эселе, орталарына барыб кирме.
Эл ауузу – элия.
Джюрек кёзден алгъа кёрюр.
Ариу сёз – джаннга азыкъ, аман сёз – башха къазыкъ.
Кёб джат да, бек чаб.
Махтаннган къыз, тойда джукълар.
Къайтырыкъ эшигинги, къаты уруб чыкъма.
Терслик кетер, тюзлюк джетер.
Адамны джюреги нени кёрюрге сюйсе, кёзю да аны кёрюрге ёч болады.
Телиге от эт десенг, юйюнге от салыр.
Асхат ашлыкъ сата, юйдегиси ачдан къата.
Арба аугъандан сора, джол кёргюзтюучю кёб болур.
Суу ичген шауданынга тюкюрме.
Аш кетер да бет къалыр.
Билимсиз иш бармаз.
Джырчы джырчыгъа – къарнаш.
Окъугъан – асыу, окъумагъан – джарсыу.
Акъыл бла адеб эгизледиле.
Ишни ахырын ойламай, аллын башлама.
Ётюрюкчюню шагъаты – къатында.
Адеб этмеген, адеб кёрмез.
Къанны къан бла джуума, аманны аман бла къуума.
Шапа кёб болса, аш татымсыз болур.
Къан бла кирген, джан бла чыгъар.
Тойгъанлыкъ къойгъа джарашады.
Кёл – къызбай, къол – батыр.

Логин:	Регистрация

Пароль:	Забыли пароль?

Запомнить меня

Аудио

Алиев Заур

Скачать

Адрес