Песен: 7 Создан:
06.05.2015 Обновлен:
06.05.2015
| 26 Июля | 2024 года |
Навигация
- Арпа, будай – ащды, алтын, кюмюш а – ташды.
- Хантына кёре тузу, юйюне кёре къызы.
- Сабий болмагъан джерде, мёлек болмаз.
- Ач да бол, токъ да бол – намысынга бек бол.
- Бюгюн дуния кибик, тамбла ахыратды.
- Нёгерсизни джолу узун.
- Ариуну – ауруу кёб.
- Джашынгы кесинг юретмесенг, джашау юретир.
- Ариу сёзде ауруу джокъ.
- Джашлыкъ этмеген, башлыкъ этмез.
- Иги джашны ышаны – аз сёлешиб, кёб тынгылар.
- Ким бла джюрюсенг, аны кёзю бла кёрюнюрсе.
- Таукел тауну аудурур.
- Махтаннган къыз, тойда джукълар.
- Джюрекге ариу – кёзге да ариу.
- Хар сёзню орну барды.
- Чакъырылгъанны аты, чакъырылмагъанны багъасы болур.
- Ариу сёз джыланны орнундан чыгъарыр.
- Кийимни бир кюнню аясанг, минг кюннге джарар.
- Тиширыусуз юй – отсуз от джагъа.
- Айранын берсенг, челегин да къызгъанма.
- Къарнынг бла ёч алма.
- Эшекни не къадар тюйсенг да, ат болмаз.
- Чомартха Тейри да борчлуду.
- Ашхы адам – халкъ байлыгъы, ашхы джер – джашау байлыгъы.
- Адамны аманы адамны бети бла ойнар.
- Ашха уста, юйюнде болсун
- Ач къарынны, токъ билмез
- Ишленмеклик адамлыкъды.
- Адеб базарда сатылмаз.
- Тюкюрюк баш джармаз, налат кёз чыгъармаз!
- Термилгенинги табмазса, кюлгенинге тюберсе.
- Чомартны къолу берекет.
- Джаралыны джастыгъында сау ёлюр.
- Халкъны юйю – туугъан джери.
- Ишин билген, аны сыйын чыгъарады.
- Ёлмесенг да, къарт дамы болмазса?
- Урунуу – насыбны анасы.
- Кёбню кёрген – кёб билир.
- Акъдан къара болмаз.
- Алма терегинден кери кетмез.
- Акъылсызны джууукъгъа алма, акъыллыны кенгнге салма.
- Бир онгсуз адам адет чыгъарды, деб эштирик тюлсе.
- Сагъыш – къартлыкъгъа сюйюмчю.
- Акъыллы – эл иеси, тели – эл баласы.
- Къазанчы аман болса, къазаны къайнамаз.
- Этни да ашады, бетни да ашады.
- Эки ойлашыб, бир сёлешген.
- Уллу къазанда бишген эт, чий къалмаз.
- Танг атмайма десе да, кюн къоярыкъ тюйюлдю.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
