Песен: 2 Создан:
06.05.2015 Обновлен:
06.05.2015
| 6 Декабря | 2022 года |
Навигация
- Аш берме да, къаш бер.
- Тилде сюек болмаса да, сюек сындырыр.
- Хансыз джомакъ болмаз.
- Эрине къаргъыш этген къатын, эрнин къабар.
- Бал – татлы, балдан да бала – татлы.
- Чомарт джарлы болмаз.
- Уллу атлама – абынырса, уллу къабма – къарылырса.
- Аман къатын алгъан, арыр, иги къатын алгъан джарыр.
- Кимни – тили, тиши онглу, кимни – къолу, иши онглу.
- Игилик игилик бла сингдирилиучю затды.
- Рысхы – сют юсюнде кёмюк кибикди.
- Эринчекге кюн узун.
- Къонакъ хазыр болгъанлыкъгъа, къонакъбай хазыр тюлдю.
- Телиге акъыл салгъандан эсе, ёлгеннге джан салырса.
- Келлик заман – къартлыкъ келтирир, кетген заман – джашлыкъ ёлтюрюр.
- Иши джокъну, сыйы джокъ.
- Ач къалгъандан, кеч къалгъан къолай.
- Ханнга да келеди хариблик.
- Азыкълы ат арымаз, къатыны аман джарымаз.
- Чакъырылгъанны аты, чакъырылмагъанны багъасы болур.
- Билеги кючлю, бирни джыгъар, билими кючлю, мингни джыгъар.
- Аман адамны тепсинге олтуртсанг, къызынгы тилер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сёз – кюмюш, джыр – алтын.
- Аз сёлеш, кёб ишле.
- Нёгерсизни джолу узун.
- Байлыкъ адамны сокъур этер.
- Ишленмеген джаш – джюгенсиз ат, ишленмеген къыз – тузсуз хант.
- Билим ат болуб да чабар, къуш болуб да учар.
- Ётген ёмюр – акъгъан суу.
- Уллу къашыкъ эрин джыртар.
- Адам сёзге тынгыла, акъыл сёзню ангыла.
- Эл ауузу – элия.
- Дуния малгъа сатылма, кесингден телиге къатылма.
- Къайгъыны сюйген, къайгъы табар.
- Кёрмегеннге кебек – танг, битмегеннге сакъал – танг.
- Акъылсызны джууукъгъа алма, акъыллыны кенгнге салма.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кийиминг бла танылма, адамлыкъ бла таныл.
- Ариу сёз – джаннга азыкъ, аман сёз – башха къазыкъ.
- Ата – баланы уясы.
- Ишге юренсин къоллары, халкъ бла болсун джоллары.
- Ишлерге уял да, ашаргъа табма.
- Эринчекни аурууу – кёб.
- Билмезни кёзю кёрмез, этмезни къулагъы эшитмез.
- Ачлыкъда тары гырджын халыуадан татлы.
- Ашхы болсанг, атынг чыгъар, аман болсанг, джанынг чыгъар.
- Баргъанынга кёре болур келгенинг.
- Ауругъан – джашаудан умутчу.
- Иги сеники эсе да, сюйген кесимикин этеме.
Фонд содействия развитию карачаево-балкарской молодежи «Эльбрусоид»
© 2003-2022 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
