Аудио :: Аудио:: Текеев Артур

Акъыл къартда, джашда тюйюлдю – башдады.
Чомарт къонакъ юй иесин сыйлар.
Ичимден чыкъды хата, къайры барайым сата?
Тенги кёбню джау алмаз, акъылы кёбню дау алмаз.
Уллу атлама – абынырса, уллу къабма – къарылырса.
Ачлыкъ отха секиртир.
Аманны эки битли тону болур, бирин сеннге кийдирир, бирин кеси киер.
Акъыллы башны – тили къысха.
Башланнган иш битер, къымылдагъан тиш тюшер.
Эртде тургъан джылкъычыны эркек аты тай табар.
Шайтан алдады, тюзлюк къаргъады.
Ач къалгъандан, кеч къалгъан къолай.
Чомарт джарлы болмаз.
Джылыгъа джылан илешир.
Сабий кёргенин унутмаз.
Ётюрюкню къуйругъу – бир тутум.
Элге къуллукъ этмеген, элге ие болмаз.
Аджал соруб келмез, келсе, къайтыб кетмез.
Эте билген, этген этеди, эте билмеген, юретген этеди!
Бир онгсуз адам адет чыгъарды, деб эштирик тюлсе.
Гырджын – тепсини тамадасы.
Акъыл бла адеб эгизледиле.
Кийимни бичсенг, кенг бич, тар этген къыйын тюлдю.
Сагъыш – къартлыкъгъа сюйюмчю.
Борчунг бар эсе, хурджунунга ойлаб узал.
Таула не мийик болсала да, аууш табылыр.
Керек ташны ауурлугъу джокъ.
Суу да къайтады чыкъгъан джерине.
Татлы сёз – балдан татлы.
Аууздан келген, къолдан келсе, ким да патчах болур эди.
Джашынгы кесинг юретмесенг, джашау юретир.
Насыб бютеу халкъны юлюшюдю.
Ашхы адам – халкъ байлыгъы, ашхы джер – джашау байлыгъы.
Баш болса, бёрк табылыр.
Акъыл аздырмаз, билим тоздурмаз.
Артына баргъанны, къатына барма.
Къолу уллу – асыу, аягъы уллу – джарсыу.
Ойнай билмеген, оюн бузар.
Адам сёзге тынгыла, акъыл сёзню ангыла.
Магъанасыз сёз – тауушсуз сыбызгъы.
Рысхы – насыбха къор.
Халкъны джырын джырласанг, халкъ санга эжиу этер.
Джукъу тёшек сайламайды.
Экиндини кеч къылсанг, чабыб джетер ашхам.
Хоншуну тауугъу къаз кёрюнюр, келини къыз кёрюнюр.
Джауумдан сора, кюн кюйдюрюр, ётюрюкден сора, айыб кюйдюрюр.
Тамчы таш тешер.
Чабар ат – джетген къыз.
Иги болса, тамадама – махтау, аман болса, меннге – айыб.
Къонакъ аман болса, къонакъбай джунчур

Логин:	Регистрация

Пароль:	Забыли пароль?

Запомнить меня

Аудио

Текеев Артур

Скачать

Адрес