Песен: 7 Создан:
06.05.2015 Обновлен:
06.05.2015
| 26 Апреля | 2024 года |
Навигация
- Айырылгъанланы айю ашар, бёлюннгенлени бёрю ашар.
- Урунуу – насыбны анасы.
- Аджаллыгъа окъсуз шкок атылыр.
- Оюмсуз атлагъан, аджалсыз ёлюр.
- Айран тёгюлсе, джугъусу къалыр.
- Малны кют, джерни тюрт.
- Джарлы джети элни сёзюн этер.
- Байлыкъ адамны сокъур этер.
- Аманнга алтын чыдамаз.
- Ёксюзню тилеги къабыл болур.
- Хантына кёре тузу, юйюне кёре къызы.
- Махтаннган къыз, тойда джукълар.
- Ёзденликни джайгъан – джокълукъ.
- Гырджын – тепсини тамадасы.
- Тюзлюк шохлукъну бегитир.
- Уллу къашыкъ эрин джыртар.
- Джуртун къоругъан озар.
- Юреннген ауруу къалмаз.
- Аш кетер да бет къалыр.
- Туз, гырджын аша, тюзлюк бла джаша.
- Эркишини аманы тиширыуну джылатыр.
- Мухар, кеси тойса да, кёзю тоймаз.
- Айырылмаз джууугъунга, унутмаз сёзню айтма.
- Иги – алгъыш этер, аман – къаргъыш этер.
- Ата Джуртуму башы болмасам да, босагъасында ташы болайым.
- Эрни эр этерик да, къара джер этерик да, тиширыуду.
- Ауругъан – джашаудан умутчу.
- Эркишиге тары кебек танг кёрюнюр.
- Сёз садакъдан кючлюдю.
- Ариуну – ауруу кёб.
- Эшекге миннген – биринчи айыб, андан джыгъылгъан – экинчи айыб.
- Билим – акъылны чырагъы.
- Кечеси – аяз, кюню – къыш, джарлы къаргъагъа бир аш тюш!
- Уруну арты – къуру.
- Атадан ёксюз – бир ёксюз, анадан ёксюз – эки ёксюз.
- Иги сеники эсе да, сюйген кесимикин этеме.
- Баш – акъыл ючюн, акъылман – халкъ ючюн.
- Къууут – джелге, берне – бошха.
- Къонагъынгы артмагъын алма да, алгъышын ал.
- Намыс сатылыб алынмайды.
- Ачлыкъ отха секиртир.
- Бек анасы джыламаз.
- Тойгъанлыкъ къойгъа джарашады.
- Байлыкъ болгъан джерде, тынчлыкъ джокъду.
- Юре билмеген ит, къонакъ келтирир.
- Аз сёлешген, къайгъысыз турур.
- Ёлген эшек бёрюден къоркъмайды.
- Юй ишлеген балта эшикде къалыр.
- Эки къатын алгъан – эки ташны ортасына башын салгъан.
- Тенгинг джокъ эсе – изле, бар эсе – сакъла!
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
