Аудио :: Аудио:: Кайтаев Магомед

Зарда марда джокъ.
Къарыусузгъа кюлме, онгсузгъа тийме.
Тил бла келеди джыр да.
Бир абыннган – минг сюрюнюр.
Керилген да, ургъан кибикди.
Миллетни бойну – базыкъ, аны бла кюрешген – джазыкъ.
Ёгюзню мюйюзюнден тутадыла, адамны сёзюнден тутадыла.
Алгъанда – джууукъ, бергенде – джау.
Туз, гырджын аша, тюзлюк бла джаша.
Окъуу – билимни ачхычы, окъуу – дунияны бачхычы.
Кёлю джокъну – джолу джокъ.
Ишге юренсин къоллары, халкъ бла болсун джоллары.
Акъыл неден да кючлюдю.
Къалгъан ишге къар джауар.
Суугъа – чабакъ, къаягъа – ыргъакъ.
Аман къатын сабий табса, бий болур…
Азыкъ аз болса, эртде орун сал.
Аз сёлеш, кёб ишле.
Джаш къарыу бла кючлю, къарт акъыл бла кючлю.
Джашынгы кесинг юретмесенг, джашау юретир.
Билгенни къолу къарны джандырыр.
Кёз – сюйген джерде, къол – ауругъан джерде.
Ачылгъан эт джабылыр, кёрген кёз унутмаз.
Эркишиге тары кебек танг кёрюнюр.
Эртде тургъан джылкъычыны эркек аты тай табар.
Чомарт джарлы болмаз.
Ач уят къоймаз.
Этни да ашады, бетни да ашады.
Халкъгъа джарагъан, джарлы къалмаз.
Ашаса, ашамаса да, бёрюню ауузу – къан.
Шайтан алдады, тюзлюк къаргъады.
Элни кючю – эмеген.
Эри аманны, къатыны – аман.
Хаухну атма, ёнгкючню сатма.
Юйлю уругъа ит чабмаз.
Окъугъан озар, окъумагъан тозар.
Эки элинги тыйсанг, джети элде махталырса.
Къонакъ аз олтурур, кёб сынар.
Окъуусуз билим – джокъ, билимсиз кюнюнг – джокъ.
Ашхылыкъ джерде джатмайды, аманлыкъ суугъа батмайды.
Къазанда болса, чолпугъа чыгъар.
Таула не мийик болсала да, аууш табылыр.
Ургъан суудан башынгы сакъла.
Тёрени джагъы джокъ.
Айырылмаз джууугъунга, унутмаз сёзню айтма.
Бозанг болмагъан джерге, къалагъынгы сукъма.
Къуру гыбыт бек дыгъырдар.
Бермеген къол, алмайды.
Ёксюзню къалачы уллу кёрюнюр.
Сёз сёзню айтдырыр.

Логин:	Регистрация

Пароль:	Забыли пароль?

Запомнить меня

Аудио

Кайтаев Магомед

Скачать

Адрес