Песен: 11 Создан:
06.05.2015 Обновлен:
06.05.2015
| 27 Июля | 2024 года |
Навигация
- Эки къатын алгъан – эки ташны ортасына башын салгъан.
- Алма терегинден кери кетмез.
- Тёзгеннге, джабылгъан эшик ачылыр.
- Окъуусуз билим – джокъ, билимсиз кюнюнг – джокъ.
- Чомарт бергенин айтмаз.
- Аман адам этегингден тутса, кес да къач.
- Къонакъ хазыр болгъанлыкъгъа, къонакъбай хазыр тюлдю.
- Гугук кесини атын айтыб къычыргъанча, мен, мен деб нек тураса?
- Айырылгъанланы айю ашар, бёлюннгенлени бёрю ашар.
- Хар сёзню орну барды.
- Хар зат кесини орнуна иги.
- Байлыкъ адамны сокъур этер.
- Адам туугъан джеринде, ит тойгъан джеринде.
- Ана кёлю – балада, бала кёлю – талада.
- Джангызны оту джарыкъ джанмаз!
- Арыгъан къош чамчы болур.
- Адеб джокъда, намыс джокъ.
- Къарыусузгъа кюлме, онгсузгъа тийме.
- Ата джурт – алтын бешик.
- Кёзден кетген, кёлден да кетеди.
- Адам боллукъ, атламындан белгили болур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чомартха Тейри да борчлуду.
- Кёбге таш атма.
- Аджашхан тёгерек айланыр.
- Бозанг болмагъан джерге, къалагъынгы сукъма.
- Адамны аты башхача, акъылы да башхады.
- Къайгъы тюбю – тенгиз.
- Аууз сакълагъан – джан сакълар.
- Ашхылыкъ джерде джатмайды, аманлыкъ суугъа батмайды.
- Джумушакъ терекни къурт ашар.
- Агъач халкъгъа алтынды, иссиликге салкъынды.
- Сютню башын джалагъан къутулур, тюбюн ичген тутулур.
- Хатерли къул болур.
- Тюкюрюк баш джармаз, налат кёз чыгъармаз!
- Кёлсюзден сёзсюз тууар.
- Иги болса, тамадама – махтау, аман болса, меннге – айыб.
- Сагъышы джокъ – джукъучу, акъылы джокъ – къаугъачы.
- Кеси юйюмде мен да ханма.
- Эки элинги тыйсанг, джети элде махталырса.
- Адам къаллай бир ишленмесе, аллай бир кесин уллу кёреди.
- Джарлыны эшигин махтагъан джабар.
- Окъугъан – асыу, окъумагъан – джарсыу.
- Рысхы – сют юсюнде кёмюк кибикди.
- Агъач – джерни чырайы, кийим – эрни чырайы.
- Къыз чыгъаргъан – къызыл къымжа.
- Джахил болса анасы, не билликди баласы?
- Билгенни къолу къарны джандырыр.
- Элге къуллукъ этмеген, элге ие болмаз.
- Ишлегенден, къарагъан уста.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
