Песен: 11 Создан:
06.05.2015 Обновлен:
05.11.2015
| 27 Июля | 2024 года |
Навигация
- Акъыл сабырлыкъ берир.
- Джюз элде джюз ёгюзюм болгъандан эсе, джюз джууугъум болсун.
- Джолда аягъынга сакъ бол, ушакъда тилинге сакъ бол.
- Босагъа таш юйге кирмей эди, тыбыр таш эшикге чыкъмай эди.
- Алгъанда – джууукъ, бергенде – джау.
- Юй ишлеген балта эшикде къалыр.
- Чомартха хар кюн да байрамды.
- Тин – байлыгъынг, терен саулугъунг.
- Джарлыны эшигин махтагъан джабар.
- Суу кетер, таш къалыр.
- Кёб джат да, бек чаб.
- Тенги кёбню джау алмаз, акъылы кёбню дау алмаз.
- Тилде сюек болмаса да, сюек сындырыр.
- Аурууну келиую тынч, кетиую – къыйын.
- Гитче джилтин уллу элни джандырыр.
- Иги адамны бир сёзю эки болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эки къатын алгъанны къулагъы тынгнгаймаз.
- Аллахдан тилесенг, кёб тиле.
- Иги адам абынса да, джангылмаз.
- Кенгеш болса, уруш болмаз.
- Кёзню ачылгъаны – иги, ауузну джабылгъаны – иги.
- Джарлы джети элни сёзюн этер.
- Ашхы сёз таш тешер.
- Эркиши – от, тиширыу – суу.
- Къызгъанчдан ычхыныр, мухардан ычхынмаз.
- Тюзню ётмеги тюзде къалса да, тас болмаз.
- Ашда уялгъан – мухар, ишде уялгъан – хомух.
- Ариу – кёзге, акъыл – джюрекге.
- Кесинг сынамагъан затны, адамгъа буюрма.
- Айныгъанлы алты кюн, тогъайгъанлы тогъуз кюн.
- Ёпкелегенни ашы татлы болады.
- Хазыр ашха – терен къашыкъ.
- Адеб джокъда, намыс джокъ.
- Азыкъ аз болса, эртде орун сал.
- Тюкюрюк баш джармаз, налат кёз чыгъармаз!
- Къошда джокъгъа – юлюш джокъ.
- Джети тилни билген джети кишиди.
- Акъыллы эркиши атын махтар, акъылсыз эркиши къатынын махтар.
- Тил – миллетни джаны.
- Тойну къарнашы – харс, джырны къарнашы – эжиу.
- Иги болса, тамадама – махтау, аман болса, меннге – айыб.
- Ашарыкъда сайлагъаннга – чий гырджын.
- Ётюрюк хапар аякъ тюбю бла джюрюйдю.
- Мен да «сен», дейме, сен да «кесим», дейсе.
- Игиге айтсанг – билир, аманнга айтсанг – кюлюр.
- Тамчы таш тешер.
- Эринчекни эр алмаз, эр алса да, кёл салмаз, кёл салса да, кёб бармаз!
- Келлик заман – къартлыкъ келтирир, кетген заман – джашлыкъ ёлтюрюр.
- Аманнга алтын чыдамаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
