Песен: 11 Создан:
06.05.2015 Обновлен:
05.11.2015
| 24 Мая | 2019 года |
Навигация
- Къартны бурнун сюрт да, оноугъа тут.
- Ана – юйню кюн джарыгъы.
- Кесине оноу эте билмеген, халкъына да эте билмез.
- Эл элде бирер малынг болгъандан эсе, бирер тенгинг болсун.
- Эллинг бла джау болсанг да, юйюнг бла джау болма.
- Кёб къычыргъандан – къоркъма, тынч олтургъандан – къоркъ.
- Акъдан къара болмаз.
- Къонакъ аз олтурур, кёб сынар.
- Ач къалгъандан, кеч къалгъан къолай.
- Олтуруб кёрюнмей эди да, ёрге туруб кёрюне эди.
- Игилик игилик бла сингдирилиучю затды.
- Къанны къан бла джуума, аманны аман бла къуума.
- Къошда джокъгъа – юлюш джокъ.
- Бичгенде ашыкъма, тикгенде ашыкъ.
- Сибиртки да сыйлы болду, кюрек да кюнлю болду.
- Азыкъ аз болса, эртде орун сал.
- Аллахдан тилесенг, кёб тиле.
- Малны кют, джерни тюрт.
- Кёзню ачылгъаны – иги, ауузну джабылгъаны – иги.
- Кийимни бичсенг, кенг бич, тар этген къыйын тюлдю.
- Къонагъы джокъну – шоху джокъ.
- Тиширыусуз юй – отсуз от джагъа.
- Аманны тукъумуна къарама, игини тукъумун сорма.
- Эл ауузу – элия.
- Окъуусуз билим – джокъ, билимсиз кюнюнг – джокъ.
- Ашаса, ашамаса да, бёрюню ауузу – къан.
- Айран ичген – къутулду, джугъусун джалагъан – тутулду.
- Къонакъ болсанг, ийнакъ бол.
- Ариу джол аджал келтирмез.
- Сакъламагъан затынга джолукъсанг, не бек къууанаса, не бек ачыйса.
- Aдам боллукъ, сыфатындан белгили.
- Окъуу – билимни ачхычы, окъуу – дунияны бачхычы.
- Кеси юйюмде мен да ханма.
- Джерни букъусу кёкге къонмаз.
- Къыйынлы джети элге оноу этер.
- Уллу къашыкъ эрин джыртар.
- Джетген къыз джерли эшекни танымаз.
- Иги джашны ышаны – аз сёлешиб, кёб тынгылар.
- Айтылгъан буйрукъ, сёгюлмез
- Къолу уллу – асыу, аягъы уллу – джарсыу.
- Чакъырылгъанны аты, чакъырылмагъанны багъасы болур.
- Экеу тутушса, биреу джыгъылыр.
- Ач уят къоймаз.
- Юй ишлеген балта эшикде къалыр.
- Эм ашхы къайын ана мамукъ бла башынгы тешер.
- Нарт сёз къарт болмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Узун джолну барсанг, бюгюн келирсе, къысха джолну барсанг, тамбла келирсе.
- Юйюнг бла джау болгъандан эсе, элинг бла джау бол.
- Урунуу – насыбны анасы.
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
