Песен: 6 Создан:
06.05.2015 Обновлен:
06.05.2015
| 20 Мая | 2019 года |
Навигация
- Ариу джол аджал келтирмез.
- Дууулдаса – бал чибин, къонса – къара чибин.
- Атлыны ашхысы, ат тизгининден билинир
- Элде адам къалмаса, ит тахтагъа минер.
- Ашхы – джыяр, аман – джояр.
- Тойгъа барсанг, тоюб бар, эски тонунгу къоюб бар.
- Джаш къарыу бла кючлю, къарт акъыл бла кючлю.
- Билимли ёлмез, билимсиз кёрмез.
- Эрни эр этерик да, къара джер этерик да, тиширыуду.
- Къыз келсе, джумуш эте келеди, къатын келсе, ушакъ эте келеди.
- Болджал ишни бёрю ашар.
- Ачлыкъ отха секиртир.
- Джашынгы кесинг юретмесенг, джашау юретир.
- Окъдан джара эртде-кеч болса да бителир, сёз джара, ёмюрге къалыр.
- Аман киши кеси юйюнде – къонакъ.
- Сагъышы джокъ – джукъучу, акъылы джокъ – къаугъачы.
- Акъыллы эркиши атын махтар, акъылсыз эркиши къатынын махтар.
- Мени джылытмагъан кюн, меннге тиймесин!
- Ышармагъан – кюлмез, кюлмеген – къууанчны билмез.
- Кёзден кетген, кёлден да кетеди.
- Адеби болмагъан къыз – тузсуз хант.
- Кёбге таш атма.
- Адам сёзге тынгыла, акъыл сёзню ангыла.
- Айранын берсенг, челегин да къызгъанма.
- Рысхы – сют юсюнде кёмюк кибикди.
- Юй кюйдю да, кюйюз чыкъды, ортасындан тюйюш чыкъды.
- Къайгъыны сюйген, къайгъы табар.
- Окъуусуз билим – джокъ, билимсиз кюнюнг – джокъ.
- Джаралыны джастыгъында сау ёлюр.
- Акъыл къартда, джашда тюйюлдю – башдады.
- Аш иеси бла татлыды.
- Кирсизни – саны таза, халалны – къаны таза.
- Ариуну – ауруу кёб.
- Кюн – узун, ёмюр – къысха.
- Эл ауузу – элия.
- Билим ат болуб да чабар, къуш болуб да учар.
- Билгенни къолу къарны джандырыр.
- Джумушакъ терекни къурт ашар.
- Аманны къуугъан, аманлыкъ табар.
- Баш – акъыл ючюн, акъылман – халкъ ючюн.
- Мухардан ач ычхынмаз.
- Танг атмайма десе да, кюн къоярыкъ тюйюлдю.
- Абынмазлыкъ аякъ джокъ, джангылмазлыкъ джаякъ джокъ.
- Айтылгъан сёз ызына къайтмаз.
- Ата – билек, ана – джюрек!
- Аман адам элни бир-бирине джау этер.
- Адеб базарда сатылмаз.
- Уруну арты – къуру.
- Къарнынг бла ёч алма.
- Ишге юренсин къоллары, халкъ бла болсун джоллары.
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
