Песен: 5 Создан:
06.05.2015 Обновлен:
29.01.2018
| 22 Октября | 2018 года |
Навигация
- Аман адам этегингден тутса, кес да къач.
- Терек ауса, отунчу – кёб.
- Ёгюзню мюйюзюнден тутадыла, адамны сёзюнден тутадыла.
- Миллетни бойну – базыкъ, аны бла кюрешген – джазыкъ.
- Телини эшигин, махтау джабар.
- Ётюрюк хапар аякъ тюбю бла джюрюйдю.
- Ким бла джюрюсенг, аны кёзю бла кёрюнюрсе.
- Урама да – ёледи, сатама да – келеди.
- Хатерли къул болур.
- Джарлыны тону джаз битер.
- Эл бла кёргенинг эрелей.
- Джаханимни кёрмей, джандетге кёл салмазса.
- Ата Джуртуму башы болмасам да, босагъасында ташы болайым.
- Атлыны ашхысы, ат тизгининден билинир
- Оюмсуз атлагъан, аджалсыз ёлюр.
- Тойгъа барсанг, тоюб бар, эски тонунгу къоюб бар.
- Тойгъа алгъа да барма, тойда артха да къалма.
- Сёз садакъдан кючлюдю.
- Байны оноуу, джарлыгъа джарамаз.
- Тиширыусуз юй – отсуз от джагъа.
- Кёб ант этген, кёб ётюрюк айтыр.
- От кюйдюрген, сау болса да, тот кюйдюрген, сау болмаз.
- Джашда акъыл джокъ, къартда къарыу джокъ.
- Намысы джокъну – дуниясы джокъ.
- Сабийни джумушха джибер да, ызындан бар.
- Тойгъан антын унутур.
- Тин – байлыгъынг, терен саулугъунг.
- Уллу къашыкъ эрин джыртар.
- Ишлемеген – тишлемез.
- Чыбыкълыкъда бюгюлмеген, къазыкълыкъда бюгюлмей эди.
- Этек чакъмакълары баш джаргъан, сёлешген сёзлери таш джаргъан.
- Суугъа – чабакъ, къаягъа – ыргъакъ.
- Бети бедерден, намыс сакълама.
- Айныгъанлы алты кюн, тогъайгъанлы тогъуз кюн.
- Аджал соруб келмез, келсе, къайтыб кетмез.
- Арба аугъандан сора, джол кёргюзтюучю кёб болур.
- Ойнай билмеген, уруб къачар.
- Рысхы джалгъанды: келген да этер, кетген да этер.
- Босагъа таш юйге кирмей эди, тыбыр таш эшикге чыкъмай эди.
- Адеби болмагъан къыз – тузсуз хант.
- Джыгъылгъанны сырты джерден тоймаз.
- Ариу – кёзге, акъыл – джюрекге.
- Тилде сюек болмаса да, сюек сындырыр.
- Киштикге къанат битсе, чыпчыкъ къалмаз эди.
- Агъач – джерни чырайы, кийим – эрни чырайы.
- Чакъырылгъанны аты, чакъырылмагъанны багъасы болур.
- Ана кёлю – балада, бала кёлю – талада.
- Къонакъ аман болса, къонакъбай джунчур
- Чабар ат – джетген къыз.
- Чарсда алчыны эл кёреди.
Фонд содействия развитию карачаево-балкарской молодежи «Эльбрусоид»
© 2003-2018 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
