Песен: 2 Создан:
06.05.2015 Обновлен:
06.05.2015
| 27 Июля | 2024 года |
Навигация
- Кёзюнде тереги болгъан, чёбю болгъаннга кюле эди.
- Рысхы джалгъанды: келген да этер, кетген да этер.
- Тюз сёз баргъан сууну тыяр.
- Акъыл аздырмаз, билим тоздурмаз.
- Кирсизни – саны таза, халалны – къаны таза.
- Чомарт къолда мал къалмаз.
- Аууздан келген, къолдан келсе, ким да патчах болур эди.
- Къанны къан бла джуума, аманны аман бла къуума.
- Татлы сёз – балдан татлы.
- Ойнай-ойнай кёз чыгъар.
- Джаш къарыу бла кючлю, къарт акъыл бла кючлю.
- Бир абыннган – минг сюрюнюр.
- Ашлыкъ – бюртюкден, джюн – тюкден.
- Келлик заман – къартлыкъ келтирир, кетген заман – джашлыкъ ёлтюрюр.
- Айырылмаз джууугъунга, унутмаз сёзню айтма.
- Аман къатын алгъан, арыр, иги къатын алгъан джарыр.
- Таш ата билмеген, башына урур.
- Тойгъан джерге джети къайт.
- Ауругъанны сау билмез, ач къарынны токъ билмез.
- Рысхы – насыбха къор.
- Ачны эсинде – аш.
- Ётюрюкчюню шагъаты – къатында.
- Тюзлюк шохлукъну бегитир.
- «Ма», - дегенни билмесенг, «бер», - дегенни билмезсе.
- Ашхы тенг джолгъа салыр, аман тенг джолдан тайдырыр.
- Мал ёлсе, сюек къалыр, адам ёлсе, иши къалыр.
- Хата – гитчеден.
- Ач келгенни – тойдур, кеч келгенни – къондур.
- Артына баргъанны, къатына барма.
- Таякъ этден ётер, тил сюекден ётер.
- Кёб къычыргъандан – къоркъма, тынч олтургъандан – къоркъ.
- Чомарт бергенин айтмаз.
- Джуртун къоругъан озар.
- Тойну къарнашы – харс, джырны къарнашы – эжиу.
- Ишлегенден, къарагъан уста.
- Айтхан – тынч, этген – къыйын.
- Аш берме да, къаш бер.
- Джырчы джырчыгъа – къарнаш.
- Ашхы – джыяр, аман – джояр.
- Насыблы элин сюер, насыбсыз кесин сюер.
- Къартны бурнун сюрт да, оноугъа тут.
- Тилде сюек болмаса да, сюек сындырыр.
- Ким бла джюрюсенг, аны кёзю бла кёрюнюрсе.
- Биреуню тёрюнден, кесинги эшик артынг игиди.
- Ариу – кёзге, акъыл – джюрекге.
- Джашынгы кесинг юретмесенг, джашау юретир.
- Сангырау къулакъ эл бузар.
- Оюмсуз атлагъан, аджалсыз ёлюр.
- Адеб джокъда, намыс джокъ.
- Иги адам абынса да, джангылмаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
