Аудио :: Аудио:: Биев Аслан

Бал ашаргъа сюе эсенг, чибин ургъаннга тёз.
Тик ёргени, тик энгишгеси да болады.
Ата Джуртча джер болмаз, туугъан элча эл болмаз.
Ашарыкъда сайлагъаннга – чий гырджын.
Мадар болса, къадар болур.
Эрни эр этерик да, къара джер этерик да, тиширыуду.
Къар – келтирди, суу – элтди.
Джарлы эскисин джамаса, къууаныр.
Аманны къуугъан, аманлыкъ табар.
Уллу къазанда бишген эт, чий къалмаз.
Юйюнг бла джау болгъандан эсе, элинг бла джау бол.
Башынга джетмегенни сорма.
Тай асырагъан, атха минер.
Тели турса – той бузар.
Сагъышы джокъ – джукъучу, акъылы джокъ – къаугъачы.
Кенгеш болса, уруш болмаз.
Эли джокъну – кёлю джокъ.
Джаш къарыу бла кючлю, къарт акъыл бла кючлю.
Бал чибинни ургъаны – ачы, балы – татлы.
Ёксюзню къалачы уллу кёрюнюр.
Эшекге миннген – биринчи айыб, андан джыгъылгъан – экинчи айыб.
Берекет берсин деген джерде, берекет болур.
Къошда джокъгъа – юлюш джокъ.
Бюгюн дуния кибик, тамбла ахыратды.
Сёз садакъдан кючлюдю.
Булут кёкге джарашыу, уят бетге джарашыу.
Кёбге таш атма.
Тюзню ётмеги тюзде къалса да, тас болмаз.
Накъырданы арты керти болур.
Ашхылыкъ джерде джатмайды, аманлыкъ суугъа батмайды.
Чыкълы кюнде чыкъмагъан, чыкъса къуру кирмеген.
Байлыкъ болгъан джерде, тынчлыкъ джокъду.
Иги болса, тамадама – махтау, аман болса, меннге – айыб.
Чомарт бергенин айтмаз.
Зар адамны насыбы болмаз.
Эл бла кёргенинг эрелей.
Тилчиден кери бол.
Ач къалгъандан, кеч къалгъан къолай.
Атлыны кёрсе, джаяуну буту талыр.
Ариу джол аджал келтирмез.
Къуру гыбыт бек дыгъырдар.
Акъыллы эркиши атын махтар, акъылсыз эркиши къатынын махтар.
Ана къойну – балагъа джандет.
Ётюрюкню башын керти кесер.
Олтуруб кёрюнмей эди да, ёрге туруб кёрюне эди.
Аман адам этегингден тутса, кес да къач.
Ишлегенде эринме, ишде чолакъ кёрюнме.
Къарны аманнга къазан такъдырма, къолу аманнга от джакъдырма.
Халкъны юйю – туугъан джери.
Бойнуму джети джерден кессенг да, мен ол ишни этеллик тюлме.

Логин:	Регистрация

Пароль:	Забыли пароль?

Запомнить меня

Аудио

Биев Аслан

Скачать

Адрес