Аудио :: Аудио:: Батчаев Ахмат

Арба аугъандан сора, джол кёргюзтюучю кёб болур.
Джаш къарыу бла кючлю, къарт акъыл бла кючлю.
Минг тенг да азды, бир джау да кёбдю.
Асхат ашлыкъ сата, юйдегиси ачдан къата.
Кёзю сокъурдан – къоркъма, кёлю сокъурдан – къоркъ.
Азыкълы ат арымаз, къатыны аман джарымаз.
Къошда джокъгъа – юлюш джокъ.
Сёз садакъдан кючлюдю.
Тилчи тилден къаныкъмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ашхы атаны – джашы ашхы, ашхы ананы – къызы ашхы.
Артына баргъанны, къатына барма.
Бал чибинни ургъаны – ачы, балы – татлы.
Огъурлуну сёзю – суу, огъурсузну сёзю – уу.
Ишлегенде эринме, ишде чолакъ кёрюнме.
Алим болгъандан эсе, адам болгъан къыйынды.
Кюл тюбюндеги от кёрюнмейди.
Ауурну тюбю бла, дженгилни башы бла джюрюген.
Дууулдаса – бал чибин, къонса – къара чибин.
Къартха ушагъан джаш – акъыллы, джашха ушагъан къарт – тели.
Таугъа чыгъаллыкъ эсенг, тюзде къалма.
Ёлген эшек бёрюден къоркъмайды.
Тели турса – той бузар.
Ашхы адам – халкъ байлыгъы, ашхы джер – джашау байлыгъы.
Ётюрюкден тюбю джокъ, кёлтюрюрге джиби джокъ.
Юйюнгден чыкъдынг – кюнюнгден чыкъдынг.
Керек ташны ауурлугъу джокъ.
Акъыл сабырлыкъ берир.
Сагъышы джокъ – джукъучу, акъылы джокъ – къаугъачы.
Тойгъанлыкъ къойгъа джарашады.
Айранны сюйген, ийнек тутар.
Аман къатын сабий табса, бий болур…
Ёгюзню мюйюзлери ауурлукъ этмейдиле.
Юреннген ауруу къалмаз.
Эм уллу байлыкъ – джан саулукъ.
Тай асырагъан, атха минер.
Сёз – кюмюш, джыр – алтын.
Эл тойса, тоймагъан, эл къойса, къоймагъан.
Насыблы элин сюер, насыбсыз кесин сюер.
Эте билген, этген этеди, эте билмеген, юретген этеди!
Ачлыкъ отха секиртир.
Суу ичген шауданынга тюкюрме.
Урама да – ёледи, сатама да – келеди.
Кёлю джокъну – джолу джокъ.
Ханнга да келеди хариблик.
Эркишиге тары кебек танг кёрюнюр.
Эринчекге кюн узун.
Бек ашыкъгъан меннге джетсин, дегенди аракъы.
Ётюрюк хапар аякъ тюбю бла джюрюйдю.
Зар адам ашынгы ашар, кесинги сатар.

Логин:	Регистрация

Пароль:	Забыли пароль?

Запомнить меня

Аудио

Батчаев Ахмат

Скачать

Адрес