Аудио :: Аудио:: Батчаев Ахмат

Дууулдаса – бал чибин, къонса – къара чибин.
Башы джабылгъан челекге, кир тюшмез.
Байма, деб да, къууанма, джарлыма, деб да, джылама.
Джахил болса анасы, не билликди баласы?
Зарда марда джокъ.
Юйлю уругъа ит чабмаз.
Джарлы эскисин джамаса, къууаныр.
Ётюрюкню башын керти кесер.
Суу кетер, таш къалыр.
Джыйырма къойну юч джыйырма эбзе кюте эди.
Мухарны эси – ашарыкъда.
Къарыусузгъа кюлме, онгсузгъа тийме.
Ургъан суудан башынгы сакъла.
Мухар, кеси тойса да, кёзю тоймаз.
Алма терегинден кери кетмез.
Эте билген, этген этеди, эте билмеген, юретген этеди!
Зар адамны насыбы болмаз.
Аман эсирсе, юйюн ояр.
Къонакъ хазыр болгъанлыкъгъа, къонакъбай хазыр тюлдю.
Мен да «сен», дейме, сен да «кесим», дейсе.
Башланнган иш битер, къымылдагъан тиш тюшер.
Чакъырылмагъан къонакъ къачан кетерин сормаз.
Арпа, будай – ащды, алтын, кюмюш а – ташды.
Окъуусуз билим – джокъ, билимсиз кюнюнг – джокъ.
Ишлегенден, къарагъан уста.
Харам къарнашдан, халал тенг ашхы.
Айтханы чапыракъдан ётмеген.
Къазанда болса, чолпугъа чыгъар.
Минг тенг да азды, бир джау да кёбдю.
Ётюрюкню къуйругъу – бир тутум.
Гугук кесини атын айтыб къычыргъанча, мен, мен деб нек тураса?
Азыкълы ат арымаз, къатыны аман джарымаз.
Кёлю джокъну – джолу джокъ.
Этек чакъмакълары баш джаргъан, сёлешген сёзлери таш джаргъан.
Эл бла кёргенинг эрелей.
Уясында не кёрсе, учханында аны этер.
Ёксюзню къалачы уллу кёрюнюр.
Ауузу бла къуш тута айланады.
Акъыл неден да кючлюдю.
Кёпюр салгъан кеси ётер, уру къазгъан кеси кетер.
Ашыкъгъанны этеги бутуна чырмалыр.
Тынгылагъан тынгы бузар.
Ашда – бёрю, ишде – ёлю.
Адам боллукъ, атламындан белгили болур.
Чакъырылмагъан къонакъ – орунсуз.
Джетген къыз джерли эшекни танымаз.
Накъырданы арты керти болур.
Кесине оноу эте билмеген, халкъына да эте билмез.
Тилчиден кери бол.
Джогъун бар этген, барын бал этген.

Логин:	Регистрация

Пароль:	Забыли пароль?

Запомнить меня

Аудио

Батчаев Ахмат

Скачать

Адрес