Аудио :: Аудио:: Занкишиев Марат

Урама да – ёледи, сатама да – келеди.
Кёб ант этген, кёб ётюрюк айтыр.
Зар адам ашынгы ашар, кесинги сатар.
Келинин тута билмеген, къул этер, къызын тута билмеген, тул этер.
Бет бетге къараса, бет да джерге къарар.
Къонакъ аз олтурур, кёб сынар.
Артына баргъанны, къатына барма.
Юреннген ауруу къалмаз.
Оюмсуз атлагъан, аджалсыз ёлюр.
Ашхылыкъ джерде джатмайды, аманлыкъ суугъа батмайды.
Элни кючю – эмеген.
Эринчекге кюн узун.
Уруну арты – къуру.
Юй кюйдю да, кюйюз чыкъды, ортасындан тюйюш чыкъды.
Ата Джуртуму башы болмасам да, босагъасында ташы болайым.
Телиге от эт десенг, юйюнге от салыр.
Этни да ашады, бетни да ашады.
Хата – гитчеден.
Джан саулукъ бермей, сан саулукъ бермезсе.
Бойнуму джети джерден кессенг да, мен ол ишни этеллик тюлме.
Джарлы эскисин джамаса, къууаныр.
Кёлю джокъну – джолу джокъ.
Узун джолну барсанг, бюгюн келирсе, къысха джолну барсанг, тамбла келирсе.
Адеб базарда сатылмаз.
Ишленмеген джаш – джюгенсиз ат, ишленмеген къыз – тузсуз хант.
Этим кетсе да, сюегим къалыр.
Эрине къаргъыш этген къатын, эрнин къабар.
Акъыллы башны – тили къысха.
Къонагъы джокъну – шоху джокъ.
Къарнынг къанлынга кийирир.
Адеб этмеген, адеб кёрмез.
Тау башында, тау болмаз, джангыз терек, бау болмаз.
Джюрекден джюрекге джол барды.
Агъач – джерни чырайы, кийим – эрни чырайы.
Келгинчи, къонакъ уялыр, келгенден сора, къонакъбай уялыр.
Намыс сатылыб алынмайды.
Баланы адам этген анады.
Къайтырыкъ эшигинги, къаты уруб чыкъма.
Тойну къарнашы – харс, джырны къарнашы – эжиу.
Джашлыкъ этмеген, башлыкъ этмез.
Ёлмесенг да, къарт дамы болмазса?
Ёпкелегенни ашы татлы болады.
Ойнаб айтсанг да, эслеб айт.
Джарашыу сюйген – джалынчакъ.
Эшекни не къадар тюйсенг да, ат болмаз.
Ачны эсинде – аш.
Уллу суу бла уллу ауруудан башынгы сакъла.
Чыкълы кюнде чыкъмагъан, чыкъса къуру кирмеген.
Термилгенинги табмазса, кюлгенинге тюберсе.
Окъуу – билимни ачхычы, окъуу – дунияны бачхычы.

Логин:	Регистрация

Пароль:	Забыли пароль?

Запомнить меня

Аудио

Занкишиев Марат

Скачать

Адрес