Песен: 5 Создан:
06.05.2015 Обновлен:
06.05.2015
| 15 Августа | 2018 года |
Навигация
- Эски джаугъа ышанма.
- Аман хансны – урлугъу кёб.
- Тойну къарнашы – харс, джырны къарнашы – эжиу.
- Къарт айтханны этмеген, къартаймаз.
- Азыкъ аз болса, эртде орун сал.
- Акъыл сабырлыкъ берир.
- Аурууну келиую тынч, кетиую – къыйын.
- Ашыкъгъанны этеги бутуна чырмалыр.
- Къартха ушагъан джаш – акъыллы, джашха ушагъан къарт – тели.
- Ишленмеклик адамлыкъды.
- Аманны эки битли тону болур, бирин сеннге кийдирир, бирин кеси киер.
- Арбаз къынгырды да, ийнек сауалмайма.
- Ашхы адам – халкъ байлыгъы, ашхы джер – джашау байлыгъы.
- Башланнган иш битер, къымылдагъан тиш тюшер.
- Къар – келтирди, суу – элтди.
- Рысхы джалгъанды: келген да этер, кетген да этер.
- Байма, деб да, къууанма, джарлыма, деб да, джылама.
- Кийиминг бла танылма, адамлыкъ бла таныл.
- Дуния малгъа сатылма, кесингден телиге къатылма.
- Кечеси – аяз, кюню – къыш, джарлы къаргъагъа бир аш тюш!
- Уллу сёлешме да, уллу къаб.
- Эртде тургъан джылкъычыны эркек аты тай табар.
- Шекер бла туз – бир болмаз, ушамагъан – юй болмаз.
- Байны къызы баймакъ болса да, юйде къалмаз!
- Сабий болмагъан джерде, мёлек болмаз.
- Къанны къан бла джуума, аманны аман бла къуума.
- Бети – къучакълар, джюреги – бычакълар.
- Термилгенинги табмазса, кюлгенинге тюберсе.
- Ач отунчуну ачыуу – бурнунда.
- Башы джабылгъан челекге, кир тюшмез.
- Тёрени джагъы джокъ.
- Бетинги сатма, малынгы сат.
- Окъугъан озар, окъумагъан тозар.
- Кёб ант этген, кёб ётюрюк айтыр.
- Джахил болса анасы, не билликди баласы?
- Бичгенде ашыкъма, тикгенде ашыкъ.
- Чакъырылмай келген къонакъ сыйланмай кетер.
- Ашхы болсанг, атынг чыгъар, аман болсанг, джанынг чыгъар.
- Ётюрюкню башын керти кесер.
- Ана – юйню кюн джарыгъы.
- Ашыкъгъан cуу, тенгизге джетмез.
- Эртде тургъан бла эртде юйленнген сокъуранмаз.
- Бир абыннган – минг сюрюнюр.
- Къартны сыйын кёрмеген, къартлыгъында сыйлы болмаз.
- Эшекни не къадар тюйсенг да, ат болмаз.
- Атадан ёксюз – бир ёксюз, анадан ёксюз – эки ёксюз.
- Урунуу – насыбны анасы.
- Ач уят къоймаз.
- Къайтырыкъ эшигинги, къаты уруб чыкъма.
- Аман къатын алгъан, арыр, иги къатын алгъан джарыр.
Фонд содействия развитию карачаево-балкарской молодежи «Эльбрусоид»
© 2003-2018 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
