Песен: 3 Создан:
06.05.2015 Обновлен:
06.05.2015
| 27 Июля | 2024 года |
Навигация
- Халкъгъа джарагъан, джарлы къалмаз.
- Хар зат кесини орнуна иги.
- Эки къатын алгъан – эки ташны ортасына башын салгъан.
- Ким бла джюрюсенг, аны кёзю бла кёрюнюрсе.
- Аман адам этегингден тутса, кес да къач.
- Джашынгы кесинг юретмесенг, джашау юретир.
- Агъач – джерни чырайы, кийим – эрни чырайы.
- Уруну арты – къуру.
- Этим кетсе да, сюегим къалыр.
- Дуния малгъа сатылма, кесингден телиге къатылма.
- Ургъан суудан башынгы сакъла.
- Ач келгенни – тойдур, кеч келгенни – къондур.
- Ашха уста, юйюнде болсун
- Урунуу – насыбны анасы.
- Бети къызарыучу адамны, джюреги харам болмаз.
- Аууз сакълагъан – джан сакълар.
- Тулпарлыкъ, билекден тюл – джюрекден.
- Ётюрюкню башын керти кесер.
- Эллинг бла джау болсанг да, юйюнг бла джау болма.
- Къумурсхала джыйылсала, пилни да джыгъадыла.
- Сормай – алма, чакъырылмай – барма.
- Къазанчы аман болса, къазаны къайнамаз.
- Магъанасыз сёз – тауушсуз сыбызгъы.
- Ачыу алгъа келсе, акъыл артха къалады.
- Къыйынлы джети элге оноу этер.
- Джукъу тёшек сайламайды.
- Къалгъан ишге къар джауар.
- Телини эшигин, махтау джабар.
- Къартха ушагъан джаш – акъыллы, джашха ушагъан къарт – тели.
- Къая джолда джортма, ачыкъ сёзден къоркъма.
- Сабий болмагъан джерде, мёлек болмаз.
- Ач уят къоймаз.
- Къазанны башы ачыкъ болса, итге уят керекди.
- Халкъны юйю – туугъан джери.
- Биреуге аманлыкъ этиб, кесинге игилик табмазса.
- Сакъалы текени да бар, мыйыгъы киштикни да бар.
- Ауругъаннга – кийик саулукъ, джетген къызгъа – чилле джаулукъ.
- Ойнай билмеген, уруб къачар.
- Кюлме джашха – келир башха.
- Билгенни къолу къарны джандырыр.
- Ушамагъан – джукъмаз.
- Ишленмеген джаш – джюгенсиз ат, ишленмеген къыз – тузсуз хант.
- Аманнга да, игиге да оноусуз къатышма.
- Чабар ат – джетген къыз.
- Элни кючю – эмеген.
- Байны оноуу, джарлыгъа джарамаз.
- Джыйырма къойну юч джыйырма эбзе кюте эди.
- Айраннга суу къош, телиге джол бош.
- Джюрекге ариу – кёзге да ариу.
- Ана къолу ачытмаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
