Аудио :: Аудио:: Багдади Сухель

Билген билмегенни юретген адетди.
Бети къызарыучу адамны, джюреги харам болмаз.
Ашын ашагъанынгы, башын да сыйла.
Ёпкелегенни ашы татлы болады.
Тынгылагъан тынгы бузар.
Кёлсюзден сёзсюз тууар.
Урунуу – насыбны анасы.
Байлыкъдан саулукъ ашхыды.
Къазанчы аман болса, къазаны къайнамаз.
Джюз элде джюз ёгюзюм болгъандан эсе, джюз джууугъум болсун.
Ашхы болсанг, атынг чыгъар, аман болсанг, джанынг чыгъар.
Ауурну тюбю бла, дженгилни башы бла джюрюген.
Сангырау къулакъ эл бузар.
Аджалсыз ёлюм болмаз.
Тилде сюек болмаса да, сюек сындырыр.
Ёзденликни кёбю ётюрюк.
Къыз чыгъаргъан – къызыл къымжа.
Эм ашхы къайын ана мамукъ бла башынгы тешер.
Чыбыкълыкъда бюгюлмеген, къазыкълыкъда бюгюлмей эди.
Къайгъыны сюйген, къайгъы табар.
Болджал ишни бёрю ашар.
Кёб ант этген, кёб ётюрюк айтыр.
Аллахдан тилесенг, кёб тиле.
Ёлген ийнек сютлю болур.
Алгъанда – джууукъ, бергенде – джау.
Эринчекге кюн узун.
Тюзню ётмеги тюзде къалса да, тас болмаз.
Асхат ашлыкъ сата, юйдегиси ачдан къата.
Къуллукъчума, деб махтанма, къуллукъ – хаух джамчыды!
Къууут – джелге, берне – бошха.
Билимден уллу байлыкъ джокъду.
Сескекли кесин билдирир.
Адебни адебсизден юрен.
Сабий болмагъан джерде, мёлек болмаз.
Джашны джигитлиги сорулур, къызны джигерлиги сорулур.
Садакъачыны джаны – къапчыгъында.
Адеби болмагъан къыз – тузсуз хант.
Тил – кесген бычакъ, сёз – атылгъан окъ.
Баланы адам этген анады.
От кюйдюрген, сау болса да, тот кюйдюрген, сау болмаз.
Керек ташны ауурлугъу джокъ.
Биреуню эскиси биреуге джангы болмайды.
Кёлю джокъну – джолу джокъ.
Кёзю сокъурдан – къоркъма, кёлю сокъурдан – къоркъ.
Ач къарным, тынч къулагъым.
Кёб джашагъан – кёб билир.
Джырына кёре эжиую.
Нёгер болсанг, тенг бол, тенг болмасанг, кенг бол.
Къонагъынгы артмагъын алма да, алгъышын ал.
Ариуну – ауруу кёб.

Логин:	Регистрация

Пароль:	Забыли пароль?

Запомнить меня

Аудио

Багдади Сухель

Скачать

Адрес