Аудио :: Аудио:: Багдади Сухель

Къонакъ аман болса, къонакъбай джунчур
Къарнынг бла ёч алма.
Ата Джуртуму башы болмасам да, босагъасында ташы болайым.
Ичимден чыкъды хата, къайры барайым сата?
Билим къая тешер.
Къазанны башы ачыкъ болса, итге уят керекди.
Танг атмайма десе да, кюн къоярыкъ тюйюлдю.
Юй ишлеген балта эшикде къалыр.
Эки итни арасына сюек атма, эки адамны арасында сёз чыгъарма.
Махтаннган къыз, тойда джукълар.
Чомартха Тейри да борчлуду.
Ач къарным, тынч къулагъым.
Эки ойлашыб, бир сёлешген.
Сабийни джумушха джибер да, ызындан бар.
Ышармагъан – кюлмез, кюлмеген – къууанчны билмез.
Джылар джаш, атасыны сакъалы бла ойнар.
Дуния аламаты сен эсенг да, игиме деб айтма.
Биреуню эскиси биреуге джангы болмайды.
Къулакъдан эсе, кёзге ышан.
Адам туугъан джеринде, ит тойгъан джеринде.
Терек ауса, отунчу – кёб.
Тынгылагъан тынгы бузар.
Ауурну тюбю бла, дженгилни башы бла джюрюген.
Билимден уллу байлыкъ джокъду.
Атлыны кёрсе, джаяуну буту талыр.
Окъумагъан сокъурду, сокъур ташха абыныр!
Бал – татлы, балдан да бала – татлы.
Башынга джетмегенни сорма.
Дуния малгъа сатылма, кесингден телиге къатылма.
Терслик кетер, тюзлюк джетер.
Аш берме да, къаш бер.
Джумушакъ сёз къаты таякъны сындырыр.
Сагъыш – къартлыкъгъа сюйюмчю.
Биреу ашаб къутулур, биреу джалаб тутулур.
Ана кёлю – балада, бала кёлю – талада.
Тил джюрекге джол ишлейди.
Эркишини аманы тиширыуну джылатыр.
Сёз сёзню айтдырыр.
Эринчекге кюн узун.
Кёбню кёрген – кёб билир.
Окъдан джара эртде-кеч болса да бителир, сёз джара, ёмюрге къалыр.
Джиби бир къат джетмей эди да, эки къат тарта эди.
Ётюрюкчюню шагъаты – къатында.
Адеб этмеген, адеб кёрмез.
Нарт сёз къарт болмаз.
Джюрек кёзден алгъа кёрюр.
Адамны адамлыгъы къыйынлыкъда айгъакъланады.
Келинни – келгинчи, бёркню кийгинчи кёр.
Керек ташны ауурлугъу джокъ.
Рысхы – насыбха къор.

Логин:	Регистрация

Пароль:	Забыли пароль?

Запомнить меня

Аудио

Багдади Сухель

Скачать

Адрес