Аудио :: Аудио:: Сказки

Кёбге таш атма.
Сабыр джетер муратха, сабырсыз къалыр уятха.
Мен да «сен», дейме, сен да «кесим», дейсе.
Ашатыргъа иш – ашхы, ишлетирге аш – ашхы.
Чомарт бергенин айтмаз.
Къралынгы – душмандан, башынгы от бла суудан сакъла.
Бал ашаргъа сюе эсенг, чибин ургъаннга тёз.
Башланнган иш битер, къымылдагъан тиш тюшер.
Элге къуллукъ этмеген, элге ие болмаз.
Чомартха хар кюн да байрамды.
Тамырсыз терекге таянма – джыгъылырса.
Ариуну – ауруу кёб.
Башынга джетмегенни сорма.
Суугъа – таянма, джаугъа – ийнанма.
Арбаз къынгырды да, ийнек сауалмайма.
Ургъан суудан башынгы сакъла.
Булут кёкге джарашыу, уят бетге джарашыу.
Иги адам абынса да, джангылмаз.
Джашынгы кесинг юретмесенг, джашау юретир.
Намыс сатылыб алынмайды.
Кютгени беш эчки, сызгъыргъаны уа, джерни джарады.
Айтхан – тынч, этген – къыйын.
Джангыз терек къынгыр ёсер.
Аджашханны ызындагъы кёреди, джангылгъанны джанындагъы биледи.
Садакъачыны джаны – къапчыгъында.
Тёгюлген тюгел джыйылмайды.
Адамгъа аман кюн соруб келмейди.
Тойгъан антын унутур.
Бир абыннган – минг сюрюнюр.
Чоюнну башы ачыкъ болса, итге уят керекди.
Ашыкъгъанны этеги бутуна чырмалыр.
Аууздан келген, къолдан келсе, ким да патчах болур эди.
Билимсиз иш бармаз.
Татлы тилде – сёз ариу, чемер къолда – иш ариу.
Ата – баланы уясы.
Аш хазыр болса, иш харам болур.
Таукелге нюр джауар.
Эркишини аманы тиширыуну джылатыр.
Агъач халкъгъа алтынды, иссиликге салкъынды.
Алтыннга тот къонмаз.
Окъдан джара эртде-кеч болса да бителир, сёз джара, ёмюрге къалыр.
Арбаз сайлама да, хоншу сайла.
Халкъны джырын джырласанг, халкъ санга эжиу этер.
Кесине оноу эте билмеген, халкъына да эте билмез.
Кёб джашагъан – кёб билир.
Атлыны ашхысы, ат тизгининден билинир
Итли къонакъ джарашмаз.
Иги джашны ышаны – аз сёлешиб, кёб тынгылар.
Къызын тута билмеген, тул этер, джашын тута билмеген, къул этер.
Ашын ашагъанынгы, башын да сыйла.

Логин:	Регистрация

Пароль:	Забыли пароль?

Запомнить меня

Аудио

Сказки

Скачать

Адрес