Песен: 3 Создан:
06.05.2015 Обновлен:
06.05.2015
| 27 Сентября | 2021 года |
Навигация
- Эрни эр этерик да, къара джер этерик да, тиширыуду.
- Ётюрюкден тюбю джокъ, кёлтюрюрге джиби джокъ.
- Айран ичген – къутулду, джугъусун джалагъан – тутулду.
- Этни да ашады, бетни да ашады.
- Бир абыннган – минг сюрюнюр.
- Къууут – джелге, берне – бошха.
- Этек чакъмакълары баш джаргъан, сёлешген сёзлери таш джаргъан.
- Ата Джуртуму башы болмасам да, босагъасында ташы болайым.
- Кюн кёрмеген, кюн кёрсе, кюндюз чыракъ джандырыр.
- Аманны эки битли тону болур, бирин сеннге кийдирир, бирин кеси киер.
- Тыш элде солтан болгъандан эсе, кесинги элде олтан болгъан игиди!
- Чомарт къонакъ юй иесин сыйлар.
- Огъурлуну сёзю – суу, огъурсузну сёзю – уу.
- Шапа кёб болса, аш татымсыз болур.
- Аманнга да, игиге да оноусуз къатышма.
- Джарлы джети элни сёзюн этер.
- Билими азны – ауузунда кирит.
- Таула не мийик болсала да, аууш табылыр.
- Тил джюрекге джол ишлейди.
- Эрине къаргъыш этген къатын, эрнин къабар.
- Ата – баланы уясы.
- Ач къарным, тынч къулагъым.
- Ашхы адам – халкъ байлыгъы, ашхы джер – джашау байлыгъы.
- Арыгъан къош чамчы болур.
- Чалманны аллы къалай башланса, арты да алай барады.
- Кёбден умут этиб, аздан къуру къалма.
- Дуния аламаты сен эсенг да, игиме деб айтма.
- Сангырау къулакъ эл бузар.
- Кютгени беш эчки, сызгъыргъаны уа, джерни джарады.
- Билгенни къолу къарны джандырыр.
- Къатыны харакетли болса, эри къымсыз болур.
- Игиге айтсанг – билир, аманнга айтсанг – кюлюр.
- Кёл ашады да, кеси ашады.
- Юй ишлеген балта эшикде къалыр.
- Къая джолда джортма, ачыкъ сёзден къоркъма.
- Ата Джуртун танымагъан, атасын да танымаз.
- Кесине оноу эте билмеген, халкъына да эте билмез.
- Къатын къылыкъсыз, эр тынчлыкъсыз.
- Ханнга да келеди хариблик.
- Эки къатын алгъанны къулагъы тынгнгаймаз.
- Къыз чыгъаргъан – къызыл къымжа.
- Алтыда кюлмеген, алтмышда кюлмез.
- Узун джолну барсанг, бюгюн келирсе, къысха джолну барсанг, тамбла келирсе.
- Уллу къашыкъ эрин джыртар.
- Хазыр ашха – терен къашыкъ.
- Джыйырма къойну юч джыйырма эбзе кюте эди.
- Къатын байлыкъны сюер, эр саулукъну сюер.
- Джюрекден джюрекге джол барды.
- Джюз элде джюз ёгюзюм болгъандан эсе, джюз джууугъум болсун.
- Терек ауса, отунчу – кёб.
Фонд содействия развитию карачаево-балкарской молодежи «Эльбрусоид»
© 2003-2021 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
