Песен: 25 Создан:
06.05.2015 Обновлен:
06.05.2015
| 18 Февраля | 2019 года |
Навигация
- Къая джолда джортма, ачыкъ сёзден къоркъма.
- Акъыллы – эл иеси, тели – эл баласы.
- Ауругъан – джашаудан умутчу.
- Билмезни кёзю кёрмез, этмезни къулагъы эшитмез.
- Къарны аманнга къазан такъдырма, къолу аманнга от джакъдырма.
- Къуру гыбыт бек дыгъырдар.
- Ашлыкъны арба юйге келтирир, чана базаргъа элтир.
- Къуллукъчума, деб махтанма, къуллукъ – хаух джамчыды!
- Адамны бетине къарама, адетине къара.
- Рысхысына кёре, джаш ёсер, къышлыгъына кёре, мал ёсер.
- Тёзген – тёш ашар!
- Аман хансны – урлугъу кёб.
- Адамны джюреги нени кёрюрге сюйсе, кёзю да аны кёрюрге ёч болады.
- Эшекге миннген – биринчи айыб, андан джыгъылгъан – экинчи айыб.
- Ашатыргъа иш – ашхы, ишлетирге аш – ашхы.
- Берекет берсин деген джерде, берекет болур.
- Эрни эр этерик да, къара джер этерик да, тиширыуду.
- Адебсиз адам – джюгенсиз ат.
- Адам туугъан джеринде, ит тойгъан джеринде.
- Иги джашны ышаны – аз сёлешиб, кёб тынгылар.
- Тыш элде солтан болгъандан эсе, кесинги элде олтан болгъан игиди!
- Ата джурт – алтын бешик.
- Ат басханны джер билед.
- Эртде тургъан бла эртде юйленнген сокъуранмаз.
- Къыз келсе, джумуш эте келеди, къатын келсе, ушакъ эте келеди.
- Кёкдеги болмаса, джердегин кёрмейди.
- Къар – келтирди, суу – элтди.
- Сёлеш деб шай берген, тохта деб, сом берген.
- Ауузу бла къуш тута айланады.
- Чабакъ башындан чирийди.
- Мени джылытмагъан кюн, меннге тиймесин!
- Кёбге таш атма.
- Акъыл бла адеб эгизледиле.
- Байлыкъ келсе, акъыл кетер.
- Адамны сабийин сюйген джюреги, бычакъча, джитиди.
- Тил джюрекге джол ишлейди.
- Ханнга да келеди хариблик.
- Тил бла келеди джыр да.
- Ашхы сёз таш тешер.
- Эл тойса, тоймагъан, эл къойса, къоймагъан.
- Айранны сюйген, ийнек тутар.
- Тойгъан джерге джети къайт.
- Тешик этген тынчды, аны джамагъан къыйынды.
- Минг тенг да азды, бир джау да кёбдю.
- Билимли ёлмез, билимсиз кёрмез.
- Кюн кёрмеген, кюн кёрсе, кюндюз чыракъ джандырыр.
- Къонакъ хазыр болгъанлыкъгъа, къонакъбай хазыр тюлдю.
- Соргъан айыб тюлдю, билмеген айыбды.
- Къанны къан бла джуума, аманны аман бла къуума.
- Айтхан – тынч, этген – къыйын.
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
