Песен: 3 Создан:
06.05.2015 Обновлен:
29.01.2018
| 26 Мая | 2019 года |
Навигация
- Адеби болмагъан къыз – тузсуз хант.
- Эки къатын алгъанны къулагъы тынгнгаймаз.
- Къууут – джелге, берне – бошха.
- «Ёгюз, джаргъа джууукъ барма, меннге джюк боллукъса», - дегенди эшек.
- Бёрю да ач къалмасын, эчки да ашалмасын.
- Къумурсхала джыйылсала, пилни да джыгъадыла.
- Джумушакъ терекни къурт ашар.
- Ышармагъан – кюлмез, кюлмеген – къууанчны билмез.
- Акъыллы – эл иеси, тели – эл баласы.
- Хатерли къул болур.
- Адамны аманы адамны бети бла ойнар.
- Къулакъдан эсе, кёзге ышан.
- Къонакъ хазыр болгъанлыкъгъа, къонакъбай хазыр тюлдю.
- Джыгъылгъанны сырты джерден тоймаз.
- Ачлыкъда тары гырджын халыуадан татлы.
- Къарнынг бла ёч алма.
- Эринчекни эр алмаз, эр алса да, кёл салмаз, кёл салса да, кёб бармаз!
- Уллу сёзде уят джокъ.
- Сёз – кюмюш, джыр – алтын.
- Татлы сёз – балдан татлы.
- Сууда джау джокъ, кёб сёзде магъана джокъ.
- Къарнынг тойгъунчу аша да, белинг талгъынчы ишле.
- Айтылгъан сёз ызына къайтмаз.
- Орну джокъну – сыйы джокъ.
- Къыз тиширыу кеси юйюнде да къонакъды.
- Босагъа таш юйге кирмей эди, тыбыр таш эшикге чыкъмай эди.
- Чакъырылгъанны аты, чакъырылмагъанны багъасы болур.
- Бети къызарыучу адамны, джюреги харам болмаз.
- Аз айтсам, кёб ангылагъыз.
- Бал чибинни ургъаны – ачы, балы – татлы.
- Ариу сёз джыланны орнундан чыгъарыр.
- От этилмеген джерден тютюн чыкъмайды.
- Айырылмаз джууугъунга, унутмаз сёзню айтма.
- Эте билген, этген этеди, эте билмеген, юретген этеди!
- Тойгъа алгъа да барма, тойда артха да къалма.
- Ёлюк кебинсиз къалмаз.
- Адам къаллай бир ишленмесе, аллай бир кесин уллу кёреди.
- Уллу къашыкъ эрин джыртар.
- Ата джурт – алтын бешик.
- Ачлыкъ отха секиртир.
- Азыкъ аз болса, эртде орун сал.
- Ана кёлю – балада, бала кёлю – талада.
- Окъугъанны бети джарыкъ.
- Ашлыкъны арба юйге келтирир, чана базаргъа элтир.
- Къалгъан ишге къар джауар.
- Биреу ашаб къутулур, биреу джалаб тутулур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Юре билмеген ит, къонакъ келтирир.
- Сескекли кесин билдирир.
- Кёз – сюйген джерде, къол – ауругъан джерде.
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
