Песен: 3 Создан:
06.05.2015 Обновлен:
29.01.2018
| 6 Мая | 2024 года |
Навигация
- Джетген къыз джерли эшекни танымаз.
- Джолунга кёре – джюрюшюнг, джагъанга кёре – юлюшюнг.
- Кесинг сынамагъан затны, адамгъа буюрма.
- Экеу тутушса, биреу джыгъылыр.
- Байма, деб да, къууанма, джарлыма, деб да, джылама.
- Къарт айтханны этмеген, къартаймаз.
- Элиб деген, элге болушур.
- Айтхан сёзюне табылгъан.
- Бет бетге къараса, бет да джерге къарар.
- Аз сёлешген, къайгъысыз турур.
- Окъумагъан сокъурду, сокъур ташха абыныр!
- Къалгъан ишге къар джауар.
- Aдам боллукъ, сыфатындан белгили.
- Джырына кёре эжиую.
- Адам сёзге тынгыла, акъыл сёзню ангыла.
- Акъыл аздырмаз, билим тоздурмаз.
- Ёнгкюч къууана барыр, джылай келир.
- Ауругъаннга – кийик саулукъ, джетген къызгъа – чилле джаулукъ.
- Этек чакъмакълары баш джаргъан, сёлешген сёзлери таш джаргъан.
- Аууз сакълагъан – джан сакълар.
- Иши джокъну, сыйы джокъ.
- Айран тёгюлсе, джугъусу къалыр.
- Окъугъан – асыу, окъумагъан – джарсыу.
- Башынга джетмегенни сорма.
- Окъ къызбайны джокълайды.
- Джигер – джаннга къыйынлыкъ.
- Къонакъ кёб келюучю юйню, къазаны отдан тюшмез.
- Ишлегенде эринме, ишде чолакъ кёрюнме.
- Уллу сёлешме да, уллу къаб.
- Къарнынг тойгъунчу аша да, белинг талгъынчы ишле.
- Тенги кёбню джау алмаз, акъылы кёбню дау алмаз.
- Билим – акъылны чырагъы.
- Эринчекни эр алмаз, эр алса да, кёл салмаз, кёл салса да, кёб бармаз!
- Тилде сюек болмаса да, сюек сындырыр.
- Байны оноуу, джарлыгъа джарамаз.
- Джангыз торгъай джырламаз.
- Кёзден кетген, кёлден да кетеди.
- Нарт сёз къарт болмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Ёзденликни кёбю ётюрюк.
- Урама да – ёледи, сатама да – келеди.
- Насыблы элин сюер, насыбсыз кесин сюер.
- Итли къонакъ джарашмаз.
- Гитче джилтин уллу элни джандырыр.
- Айранны сюйген, ийнек тутар.
- Бек ашыкъгъан меннге джетсин, дегенди аракъы.
- Ойнай билмеген, оюн бузар.
- Адамны бетине къарама, адетине къара.
- Джырчы джырчыгъа – къарнаш.
- Къартха ушагъан джаш – акъыллы, джашха ушагъан къарт – тели.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
