Аудио :: Аудио:: Мусукаев Руслан

Гырджын – тепсини тамадасы.
Къарны аманнга къазан такъдырма, къолу аманнга от джакъдырма.
Джумушакъ терекни къурт ашар.
Ханнга да келеди хариблик.
Джарлыны тону джаз битер.
Борчунг бар эсе, хурджунунга ойлаб узал.
Акъыл бла адеб эгизледиле.
Окъугъан – асыу, окъумагъан – джарсыу.
Адамны сыфатына къарама, сёзюне къара.
Тыш элде солтан болгъандан эсе, кесинги элде олтан болгъан игиди!
Аманнга игилик этсенг, юйюнге сау бармазса.
Акъыл аздырмаз, билим тоздурмаз.
Бек ашыкъгъан меннге джетсин, дегенди аракъы.
Айтханы чапыракъдан ётмеген.
Къартны сыйын кёрмеген, къартлыгъында сыйлы болмаз.
Башсыз урчукъ тюзюне айланмаз.
Джарлы джети элни сёзюн этер.
Кесинг сынамагъан затны, адамгъа буюрма.
Атынг аманнга чыкъгъандан эсе, джанынг тамагъынгдан чыкъсын.
Таугъа чыгъаллыкъ эсенг, тюзде къалма.
Тил бла келеди джыр да.
Шайтан алдады, тюзлюк къаргъады.
Къатыны харакетли болса, эри къымсыз болур.
Уллу айтханны этмеген – уллаймаз.
Джырчы джырчыгъа – къарнаш.
Чыбыкълыкъда бюгюлмеген, къазыкълыкъда бюгюлмей эди.
Эки итни арасына сюек атма, эки адамны арасында сёз чыгъарма.
Джолда аягъынга сакъ бол, ушакъда тилинге сакъ бол.
Аууздан келген, къолдан келсе, ким да патчах болур эди.
Тили узунну, намысы – къысха.
Адамгъа аман кюн соруб келмейди.
Кийимни бичсенг, кенг бич, тар этген къыйын тюлдю.
Кёз – сюйген джерде, къол – ауругъан джерде.
Ашарыкъда сайлагъаннга – чий гырджын.
Ёлюр джаннга, ёкюл джокъ.
Ашхы тенг джолгъа салыр, аман тенг джолдан тайдырыр.
Эски джаугъа ышанма.
Джарлы эскисин джамаса, къууаныр.
Къыз тиширыу кеси юйюнде да къонакъды.
Урама да – ёледи, сатама да – келеди.
Таякъ этден ётер, тил сюекден ётер.
Тилчиден кери бол.
Тешик этген тынчды, аны джамагъан къыйынды.
Тамбла алтындан бюгюн багъыр ашхы.
Тёзген – тёш ашар!
Артына баргъанны, къатына барма.
Экиндини кеч къылсанг, чабыб джетер ашхам.
Ана къолу ачытмаз.
Насыб бютеу халкъны юлюшюдю.
Эринчекни аурууу – кёб.

Логин:	Регистрация

Пароль:	Забыли пароль?

Запомнить меня

Аудио

Мусукаев Руслан

Скачать

Адрес