Аудио :: Аудио:: Мусукаев Руслан

Минг тенг да азды, бир джау да кёбдю.
Адам къаллай бир ишленмесе, аллай бир кесин уллу кёреди.
Рысхы – насыбха къор.
Джюрек кёзден алгъа кёрюр.
Эр абынмай, эл танымаз.
Къазанны башы ачыкъ болса, итге уят керекди.
Чабар ат – джетген къыз.
Эркишини аманы тиширыуну джылатыр.
Хар ишни да аллы къыйынды.
Кийиминг бла танылма, адамлыкъ бла таныл.
«Ёгюз, джаргъа джууукъ барма, меннге джюк боллукъса», - дегенди эшек.
Тулпарлыкъ, билекден тюл – джюрекден.
Къызын тута билмеген, тул этер, джашын тута билмеген, къул этер.
Накъырданы арты керти болур.
Ашхы сёз таш тешер.
Ишлемеген – тишлемез.
Джыланны къуйругъундан басарынг келсе, аны башы болгъанын унутма.
Билимсиз иш бармаз.
Ашха уста, юйюнде болсун
Къыйынлы джети элни къайгъысын этер.
Бозанг болмагъан джерге, къалагъынгы сукъма.
Сибиртки да сыйлы болду, кюрек да кюнлю болду.
Иги адамны бир сёзю эки болмаз.
Билгенни къолу къарны джандырыр.
Джукъу тёшек сайламайды.
Чомартны къолун джокълукъ байлар.
Ауурну тюбю бла, дженгилни башы бла джюрюген.
Къан бла кирген, джан бла чыгъар.
Оюмсуз атлагъан, аджалсыз ёлюр.
Ата – баланы уясы.
Джан саулукъ бермей, сан саулукъ бермезсе.
Аз сёлешген, къайгъысыз турур.
Аман къатын алгъан, арыр, иги къатын алгъан джарыр.
Къарны аманнга къазан такъдырма, къолу аманнга от джакъдырма.
Нарт сёз къарт болмаз.
Тамбла алтындан бюгюн багъыр ашхы.
Эрине къаргъыш этген къатын, эрнин къабар.
Артына баргъанны, къатына барма.
Туз, гырджын аша, тюзлюк бла джаша.
Юй кюйдю да, кюйюз чыкъды, ортасындан тюйюш чыкъды.
Эринчекни аурууу – кёб.
Элге къуллукъ этмеген, элге ие болмаз.
Джашны джигитлиги сорулур, къызны джигерлиги сорулур.
Айранын берсенг, челегин да къызгъанма.
Ёзденликни джайгъан – джокълукъ.
Келинин тута билмеген, къул этер, къызын тута билмеген, тул этер.
Акъыл сабырлыкъ берир.
Тай асырагъан, атха минер.
Ач да бол, токъ да бол – намысынга бек бол.
Тамчы таш тешер.

Логин:	Регистрация

Пароль:	Забыли пароль?

Запомнить меня

Аудио

Мусукаев Руслан

Скачать

Адрес