Аудио :: Аудио:: Алтуева Зоя

Кюлме джашха – келир башха.
«Ёгюз, джаргъа джууукъ барма, меннге джюк боллукъса», - дегенди эшек.
Ишлегенден, къарагъан уста.
Бети – къучакълар, джюреги – бычакълар.
Ачыу алгъа келсе, акъыл артха къалады.
Ойнай-ойнай кёз чыгъар.
Уруну арты – къуру.
Таугъа чыгъаллыкъ эсенг, тюзде къалма.
Ариу сёз аурууунгу алыр.
Къатын байлыкъны сюер, эр саулукъну сюер.
Тюзлюк шохлукъну бегитир.
Эл бла кёргенинг эрелей.
Чомарт джарлы болмаз.
Хазыр ашха – терен къашыкъ.
Уллу сёлешме да, уллу къаб.
Бал – татлы, балдан да бала – татлы.
Тилчи тилден къаныкъмаз.
Къартны сыйын кёрмеген, къартлыгъында сыйлы болмаз.
Хатерли къул болур.
Эр абынмай, эл танымаз.
Къаллай салам берсенг, аллай джууаб алырса.
Аууз сакълагъан – джан сакълар.
Иги болса, тамадама – махтау, аман болса, меннге – айыб.
Тилде сюек болмаса да, сюек сындырыр.
Терслик кетер, тюзлюк джетер.
Уллу суу бла уллу ауруудан башынгы сакъла.
Аманнга игилик этсенг, юйюнге сау бармазса.
Тойгъа алгъа да барма, тойда артха да къалма.
Кёбню кёрген – кёб билир.
Туз, гырджын аша, тюзлюк бла джаша.
Илму – джашауну джолу.
Кёзюнде тереги болгъан, чёбю болгъаннга кюле эди.
Сабийликде юретмесенг, уллу болса – тюзелмез.
Чакъырылмагъан къонакъ – орунсуз.
Эли джокъну – кёлю джокъ.
Татлы сёз – балдан татлы.
Джеринден айырылгъан – джети джылар, джуртундан айырылгъан – ёлгюнчю джылар.
Хар адамгъа кеси миннген тау кибик.
Къумурсхала джыйылсала, пилни да джыгъадыла.
Ариу сёз – къылычдан джити.
Ата Джуртун танымагъан, атасын да танымаз.
Сютню башын джалагъан къутулур, тюбюн ичген тутулур.
Къарнынг бла ёч алма.
Гитче джилтин уллу элни джандырыр.
Джол бла сёзню къыйыры джокъ.
Ётюрюкню къуйругъу – бир тутум.
Душманны тышы – акъ, ичи – къара.
Сууда джау джокъ, кёб сёзде магъана джокъ.
Джангызны оту джарыкъ джанмаз!
Алгъанда – джууукъ, бергенде – джау.

Логин:	Регистрация

Пароль:	Забыли пароль?

Запомнить меня

Аудио

Алтуева Зоя

Скачать

Альбом “1”

Скачать

Альбом “2”

Скачать

Альбом “3”

Скачать

Альбом “4”

Скачать

Альбом “5”

Адрес