Песен: 1 Создан:
06.05.2015 Обновлен:
06.05.2015
| 24 Мая | 2019 года |
Навигация
- Элни кючю – эмеген.
- Таш бла ургъанны, аш бла ур.
- Тюзлюк шохлукъну бегитир.
- Ана къойну – балагъа джандет.
- Къанны къан бла джуума, аманны аман бла къуума.
- Бети – къучакълар, джюреги – бычакълар.
- Эрине къаргъыш этген къатын, эрнин къабар.
- Джан саулукъ бермей, сан саулукъ бермезсе.
- Иесиз малны бёрю ашар.
- Акъыллы башны – тили къысха.
- Чарсда алчыны эл кёреди.
- Чабакъгъа акъыл, табагъа тюшсе келеди.
- Бастасын ашагъан, хантусун да ичер.
- Хар сёзню орну барды.
- Гырджын – тепсини тамадасы.
- Агъач – джерни чырайы, кийим – эрни чырайы.
- Агъач халкъгъа алтынды, иссиликге салкъынды.
- Бир онгсуз адам адет чыгъарды, деб эштирик тюлсе.
- Баш болса, бёрк табылыр.
- Билими азны – ауузунда кирит.
- Джашда акъыл джокъ, къартда къарыу джокъ.
- Къолу уллу – асыу, аягъы уллу – джарсыу.
- Баланы адам этген анады.
- Аджашханны ызындагъы кёреди, джангылгъанны джанындагъы биледи.
- Ишлерге уял да, ашаргъа табма.
- Келгинчи, къонакъ уялыр, келгенден сора, къонакъбай уялыр.
- Уллу къашыкъ эрин джыртар.
- Эркиши – от, тиширыу – суу.
- Атлыны кёрсе, джаяуну буту талыр.
- Уруну арты – къуру.
- Аманнга да, игиге да оноусуз къатышма.
- Эл ауузу – элек, анга ийнаннган – халек.
- Юйюнгден чыкъдынг – кюнюнгден чыкъдынг.
- Бичгенде ашыкъма, тикгенде ашыкъ.
- Кёзню ачылгъаны – иги, ауузну джабылгъаны – иги.
- Чакъырылмай келген къонакъ сыйланмай кетер.
- Эшекге миннген – биринчи айыб, андан джыгъылгъан – экинчи айыб.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къартны сыйын кёрмеген, къартлыгъында сыйлы болмаз.
- Къыз чыгъаргъан – къызыл къымжа.
- Уллу суу бла уллу ауруудан башынгы сакъла.
- Танг атмайма десе да, кюн къоярыкъ тюйюлдю.
- Джетген къыз джерли эшекни танымаз.
- Къонакъ кёб келюучю юйню, къазаны отдан тюшмез.
- Тенги кёбню джау алмаз, акъылы кёбню дау алмаз.
- Чабакъ башындан чирийди.
- Аллахха ийнаннган кишини, Аллах онгдурур ишин.
- Билим насыб берир, билим джолну керир.
- Билмезни кёзю кёрмез, этмезни къулагъы эшитмез.
- Къызын тута билмеген, тул этер, джашын тута билмеген, къул этер.
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
