Аудио :: Аудио:: Жанатаев Исмаил

Аман адамны тепсинге олтуртсанг, къызынгы тилер.
Ата джурт – алтын бешик.
Накъырданы арты керти болур.
Кийиминг бла танылма, адамлыкъ бла таныл.
Къайгъыны сюйген, къайгъы табар.
Билим ат болуб да чабар, къуш болуб да учар.
Агъач халкъгъа алтынды, иссиликге салкъынды.
Ойнай-ойнай кёз чыгъар.
Билим къая тешер.
Тил – кесген бычакъ, сёз – атылгъан окъ.
Джыланны къуйругъундан басарынг келсе, аны башы болгъанын унутма.
Кёбге таш атма.
Билим насыб берир, билим джолну керир.
Тёрени джагъы джокъ.
Ауругъан – джашаудан умутчу.
Алтыда кюлмеген, алтмышда кюлмез.
От этилмеген джерден тютюн чыкъмайды.
Къыйынлы джети элни къайгъысын этер.
Артына баргъанны, къатына барма.
Ана къолу ачытмаз.
Сабийни джумушха джибер да, ызындан бар.
Тенгни тенглиги джашай барсанг билинир.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Агъач – джерни чырайы, кийим – эрни чырайы.
Джерни букъусу кёкге къонмаз.
Орну джокъну – сыйы джокъ.
Кёзден кетген, кёлден да кетеди.
Аууздан келген, къолдан келсе, ким да патчах болур эди.
Тил бла келеди джыр да.
Башда акъыл болмаса, эки аякъгъа кюч джетер.
Ач къалгъандан, кеч къалгъан къолай.
Айтханы чапыракъдан ётмеген.
Чабакъгъа акъыл, табагъа тюшсе келеди.
Иги сеники эсе да, сюйген кесимикин этеме.
Кесине оноу эте билмеген, халкъына да эте билмез.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Джюрекге ариу – кёзге да ариу.
Башы джабылгъан челекге, кир тюшмез.
Билимден уллу байлыкъ джокъду.
Къаллай салам берсенг, аллай джууаб алырса.
Баш – акъыл ючюн, акъылман – халкъ ючюн.
Джауумдан сора, кюн кюйдюрюр, ётюрюкден сора, айыб кюйдюрюр.
Болджал ишни бёрю ашар.
Джарашыу сюйген – джалынчакъ.
Джарлы эскисин джамаса, къууаныр.
Ёлген эшек бёрюден къоркъмайды.
Аман адам элни бир-бирине джау этер.
Аманнга да, игиге да оноусуз къатышма.
Суу ичген шауданынга тюкюрме.
Бети – къучакълар, джюреги – бычакълар.

Логин:	Регистрация

Пароль:	Забыли пароль?

Запомнить меня

Аудио

Жанатаев Исмаил

Скачать

Адрес