Песен: 9 Создан:
06.05.2015 Обновлен:
06.05.2015
| 8 Сентября | 2024 года |
Навигация
- Ата Джуртун танымагъан, атасын да танымаз.
- Уясында не кёрсе, учханында аны этер.
- Тилде сюек болмаса да, сюек сындырыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кёбден умут этиб, аздан къуру къалма.
- Айтхан сёзюне табылгъан.
- Айтхан – тынч, этген – къыйын.
- Ёлмесенг да, къарт дамы болмазса?
- Тойгъанлыкъ къойгъа джарашады.
- Тёрдеги кюлсе, эшикдеги ышарыр.
- Уруну арты – къуру.
- Айтханы чапыракъдан ётмеген.
- Керек ташны ауурлугъу джокъ.
- Иесиз малны бёрю ашар.
- Экеулен сёлеше тура эселе, орталарына барыб кирме.
- Кийиминг бла танылма, адамлыкъ бла таныл.
- Намысы болмагъанны, сыйы болмаз.
- Тенгинг джокъ эсе – изле, бар эсе – сакъла!
- Къарны аманнга къазан такъдырма, къолу аманнга от джакъдырма.
- Сабийни джумушха джибер да, ызындан бар.
- Нарт сёз къарт болмаз.
- Айырылмаз джууугъунга, унутмаз сёзню айтма.
- Халкъны джырын джырласанг, халкъ санга эжиу этер.
- Билмейме деген – бир сёз
- Азыкъ аз болса, эртде орун сал.
- Джаханимни кёрмей, джандетге кёл салмазса.
- Джангыз терек къынгыр ёсер.
- Аман адам этегингден тутса, кес да къач.
- Адамны джюреги нени кёрюрге сюйсе, кёзю да аны кёрюрге ёч болады.
- Биреуню эскиси биреуге джангы болмайды.
- Къарнынг къанлынга кийирир.
- Намыс болмагъан джерде, насыб болмаз.
- Тели турса – той бузар.
- Адеби болмагъан къыз – тузсуз хант.
- Атынг аманнга чыкъгъандан эсе, джанынг тамагъынгдан чыкъсын.
- Ариу сёзде ауруу джокъ.
- Къонакъ аман болса, къонакъбай джунчур
- Мал ёлсе, сюек къалыр, адам ёлсе, иши къалыр.
- Джуртун къоругъан озар.
- Джетген къыз джерли эшекни танымаз.
- Кёзден кетген, кёлден да кетеди.
- Эрине къаргъыш этген къатын, эрнин къабар.
- Аман киши кеси юйюнде – къонакъ.
- Сёз – кюмюш, джыр – алтын.
- Иги адам абынса да, джангылмаз.
- Суу да къайтады чыкъгъан джерине.
- Айтылгъан буйрукъ, сёгюлмез
- Джюз элде джюз ёгюзюм болгъандан эсе, джюз джууугъум болсун.
- Ашыкъгъан cуу, тенгизге джетмез.
- Кюн – узун, ёмюр – къысха.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
