Аудио :: Аудио:: Гузиева Дженнет

Бюгюн дуния кибик, тамбла ахыратды.
Къуллукъчума, деб махтанма, къуллукъ – хаух джамчыды!
Сютден ауузу кюйген, суугъа юфгюре эди.
Къарын къуру болса, джюрек уру болур.
Ашыкъгъанны этеги бутуна чырмалыр.
Ариуну – ауруу кёб.
Сёз сёзню айтдырыр.
Аууздан келген, къолдан келсе, ким да патчах болур эди.
Тюкюрюк баш джармаз, налат кёз чыгъармаз!
Джерни букъусу кёкге къонмаз.
Намысы болмагъанны, сыйы болмаз.
Аман адам этегингден тутса, кес да къач.
Къолунгдан къуймакъ ашатсанг да, атаны борчундан къутулмазса.
Aдам боллукъ, сыфатындан белгили.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Аман адамны тепсинге олтуртсанг, къызынгы тилер.
Ёнгкюч къууана барыр, джылай келир.
Тюзлюк шохлукъну бегитир.
Ата джурт – алтын бешик.
Этим кетсе да, сюегим къалыр.
Байлыкъдан саулукъ ашхыды.
Иги бла джюрюсенг, джетерсе муратынга, аман бла джюрюсенг, къалырса уятха.
Ёлюр джаннга, ёкюл джокъ.
Эркишини аманы тиширыуну джылатыр.
Ишлегенден, къарагъан уста.
Бермеген къол, алмайды.
Ёксюзню тилеги къабыл болур.
Къонакъ аман болса, къонакъбай джунчур
Кёлю джокъну – джолу джокъ.
Аджалсыз ёлюм болмаз.
Тура эдим джата, къайдан чыкъды хата?
Таукел къуру къалмаз.
Суугъа – чабакъ, къаягъа – ыргъакъ.
Адам боллукъ, атламындан белгили болур.
Аман киши кеси юйюнде – къонакъ.
Ишни ахырын ойламай, аллын башлама.
Сибиртки да сыйлы болду, кюрек да кюнлю болду.
Биреуге аманлыкъны тилеме да, кесинге ашхылыкъны тиле.
Тенги кёбню джау алмаз, акъылы кёбню дау алмаз.
Тойчу джашха къарама, къойчу джашха къара.
Джарлы тюеге минсе да, ит къабар.
Тюз сёз баргъан сууну тыяр.
Адеби болмагъан къыз – тузсуз хант.
Джыланны къуйругъундан басарынг келсе, аны башы болгъанын унутма.
Ханнга да келеди хариблик.
Ауругъан – джашаудан умутчу.
Джауумдан сора, кюн кюйдюрюр, ётюрюкден сора, айыб кюйдюрюр.
Бет бетге къараса, бет да джерге къарар.
Термилгенинги табмазса, кюлгенинге тюберсе.
Таукелге нюр джауар.

Логин:	Регистрация

Пароль:	Забыли пароль?

Запомнить меня

Аудио

Гузиева Дженнет

Скачать

Адрес