Аудио :: Аудио:: Гузиева Дженнет

Адебсиз адам – джюгенсиз ат.
Гугурук къычырмаса да, тангны атары къалмаз.
Мураты болгъанны джюрек тебюую башхады.
Ашда уялгъан – мухар, ишде уялгъан – хомух.
Ата Джуртуму башы болмасам да, босагъасында ташы болайым.
Айранын берсенг, челегин да къызгъанма.
Сакъламагъан затынга джолукъсанг, не бек къууанаса, не бек ачыйса.
Ат да турмайды бир териде.
Аман адамны тепсинге олтуртсанг, къызынгы тилер.
Ариу сёз аурууунгу алыр.
Тюзню ётмеги тюзде къалса да, тас болмаз.
Битмегеннге сакъал – танг.
Тешигини къатында, чычхан да батыр болур.
Тау башында, тау болмаз, джангыз терек, бау болмаз.
Аз сёлешген, къайгъысыз турур.
Аман адам этегингден тутса, кес да къач.
Джети тилни билген джети кишиди.
Тил – миллетни джаны.
Тилде сюек болмаса да, сюек сындырыр.
Накъырданы арты керти болур.
Чабакъгъа акъыл, табагъа тюшсе келеди.
Аман адам элни бир-бирине джау этер.
Ичимден чыкъды хата, къайры барайым сата?
Айраннга суу къош, телиге джол бош.
Джангызны оту джарыкъ джанмаз!
Ариу – кёзге, акъыл – джюрекге.
Итли къонакъ джарашмаз.
Элге къуллукъ этмеген, элге ие болмаз.
Къолу уллу – асыу, аягъы уллу – джарсыу.
Чабакъсыз кёлге къармакъ салгъанлыкъгъа, чабакъ тутмазса.
Тойгъандан сора, ашны сёкме.
Чабакъ башындан чирийди.
Юй ишлеген балта эшикде къалыр.
Иги адамны бир сёзю эки болмаз.
Ишлегенден, къарагъан уста.
Магъанасыз сёз – тауушсуз сыбызгъы.
Ишлемеген – тишлемез.
Ишге юренсин къоллары, халкъ бла болсун джоллары.
Ауурну тюбю бла, дженгилни башы бла джюрюген.
Баргъанынга кёре болур келгенинг.
Эл ауузу – элия.
Босагъа таш юйге кирмей эди, тыбыр таш эшикге чыкъмай эди.
Аш берме да, къаш бер.
Биреуге кёлтюрген таягъынг, кесинги башынга урур.
Намысы болмагъанны, сыйы болмаз.
Къатын байлыкъны сюер, эр саулукъну сюер.
Кенгеш болса, уруш болмаз.
Эки къатын алгъан – эки ташны ортасына башын салгъан.
Насыблы элин сюер, насыбсыз кесин сюер.
Кёб ант этген, кёб ётюрюк айтыр.

Логин:	Регистрация

Пароль:	Забыли пароль?

Запомнить меня

Аудио

Гузиева Дженнет

Скачать

Адрес