Аудио :: Аудио:: Аяз (группа)

Таукел тауну аудурур.
Акъыл бла адеб эгизледиле.
Кёрмегеннге кебек – танг, битмегеннге сакъал – танг.
Къоркъакъны кёзю экили кёрюр.
Джаралыны джастыгъында сау ёлюр.
Къайтырыкъ эшигинги, къаты уруб чыкъма.
Къыз келсе, джумуш эте келеди, къатын келсе, ушакъ эте келеди.
Ач бёрюге мекям джокъ.
Джол бла сёзню къыйыры джокъ.
Тенги кёбню джау алмаз, акъылы кёбню дау алмаз.
Ёксюзню тилеги къабыл болур.
Ёзденликни джайгъан – джокълукъ.
Айтылгъан сёз ызына къайтмаз.
Ашхы болсанг, атынг чыгъар, аман болсанг, джанынг чыгъар.
Адамны артындан къара сабан сюрме.
Адам сёзге тынгыла, акъыл сёзню ангыла.
Джангыз терек къынгыр ёсер.
Аджаллыгъа окъсуз шкок атылыр.
Тойгъа алгъа да барма, тойда артха да къалма.
Тилчи бир сагъатха айлыкъ хата этер.
Нафысынгы айтханын этме, намысынгы айтханын эт.
Тил бла келеди джыр да.
Чомартны къолун джокълукъ байлар.
Джумушакъ сёз къаты таякъны сындырыр.
Тилде сюек болмаса да, сюек сындырыр.
Бастасын ашагъан, хантусун да ичер.
Къонакъ аман болса, къонакъбай джунчур
Къартха ушагъан джаш – акъыллы, джашха ушагъан къарт – тели.
Нёгер болсанг, тенг бол, тенг болмасанг, кенг бол.
Билгенни къолу къарны джандырыр.
Арбаз къынгырды да, ийнек сауалмайма.
Кийимни бир кюнню аясанг, минг кюннге джарар.
Ёлген эшек бёрюден къоркъмайды.
Алтыда кюлмеген, алтмышда кюлмез.
Бети бедерден, намыс сакълама.
Сабийни джумушха джибер да, ызындан бар.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Джашны джигитлиги сорулур, къызны джигерлиги сорулур.
Къыйынлы джети элни къайгъысын этер.
Ашхы – джыяр, аман – джояр.
Къарыусузгъа кюлме, онгсузгъа тийме.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Юйюнгден чыкъдынг – кюнюнгден чыкъдынг.
«Ёгюз, джаргъа джууукъ барма, меннге джюк боллукъса», - дегенди эшек.
Узун джолну барсанг, бюгюн келирсе, къысха джолну барсанг, тамбла келирсе.
Сууда джау джокъ, кёб сёзде магъана джокъ.
Ачыкъ джюрекге джол – ачыкъ.
Ишлегенден, къарагъан уста.
Эл ауузу – элия.
Ашына кёре табагъы, балына кёре къалагъы.

Логин:	Регистрация

Пароль:	Забыли пароль?

Запомнить меня

Аудио

Аяз (группа)

Скачать

Адрес