Аудио :: Аудио:: Аяз (группа)

Элге къуллукъ этмеген, элге ие болмаз.
Иши джокъну, сыйы джокъ.
Эр сокъур болсун, къатын тилсиз болсун.
Тас болгъан бычакъны сабы – алтын.
Суугъа – таянма, джаугъа – ийнанма.
Ашлыкъны арба юйге келтирир, чана базаргъа элтир.
Кийимни бичсенг, кенг бич, тар этген къыйын тюлдю.
Келинин тута билмеген, къул этер, къызын тута билмеген, тул этер.
Насыб бютеу халкъны юлюшюдю.
Кёб ант этген, кёб ётюрюк айтыр.
Ач, тоймам, дейди, тойгъан, ач болмам, дейди.
Джауумдан сора, кюн кюйдюрюр, ётюрюкден сора, айыб кюйдюрюр.
Юйюнгден чыкъдынг – кюнюнгден чыкъдынг.
Къарнынг къанлынга кийирир.
Аш хазыр болса, иш харам болур.
Ач – эснер, ат – кишнер.
Кёлю джокъну – джолу джокъ.
Ауузу бла къуш тута айланады.
Хантына кёре тузу, юйюне кёре къызы.
Хазыр ашха – терен къашыкъ.
Айраннга суу къош, телиге джол бош.
Чыбыкълыкъда бюгюлмеген, къазыкълыкъда бюгюлмей эди.
Адебни адебсизден юрен.
Къыз чыгъаргъан – къызыл къымжа.
Аманны эки битли тону болур, бирин сеннге кийдирир, бирин кеси киер.
Тилде сюек болмаса да, сюек сындырыр.
Ана кёлю – балада, бала кёлю – талада.
Керилген да, ургъан кибикди.
Джетген къыз джерли эшекни танымаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Байма, деб да, къууанма, джарлыма, деб да, джылама.
Урунуу – насыбны анасы.
Олтуруб кёрюнмей эди да, ёрге туруб кёрюне эди.
Хар ишни да аллы къыйынды.
Айырылмаз джууугъунга, унутмаз сёзню айтма.
Окъугъан озар, окъумагъан тозар.
Акъыл неден да кючлюдю.
Аманны къуугъан, аманлыкъ табар.
Элде адам къалмаса, ит тахтагъа минер.
Адам сёзге тынгыла, акъыл сёзню ангыла.
Тёрде – темир таякълы, къаяда – чыпчыкъ аякълы.
Къатыны харакетли болса, эри къымсыз болур.
Баланы адам этген анады.
Сакъ юйюне сау барыр.
Чомарт бергенин айтмаз.
Джылкъыдан – ат чыгъар, тукъумдан – джаш чыгъар.
Айранны сюйген, ийнек тутар.
Сагъыш – къартлыкъгъа сюйюмчю.
Тюзлюк шохлукъну бегитир.
Кечеси – аяз, кюню – къыш, джарлы къаргъагъа бир аш тюш!

Логин:	Регистрация

Пароль:	Забыли пароль?

Запомнить меня

Аудио

Аяз (группа)

Скачать

Адрес