Аудио :: Аудио:: Токова Альбина

Аш иеси бла татлыды.
Адамны аты башхача, акъылы да башхады.
Сёз къанатсыз учар.
Къыз келсе, джумуш эте келеди, къатын келсе, ушакъ эте келеди.
Душманны тышы – акъ, ичи – къара.
Булут кёкге джарашыу, уят бетге джарашыу.
Къая джолда джортма, ачыкъ сёзден къоркъма.
Айтылгъан сёз ызына къайтмаз.
Халкъны джырын джырласанг, халкъ санга эжиу этер.
Хата – гитчеден.
Иги сёз – джаннга азыкъ, аман сёз башха – къазыкъ.
Къанны къан бла джуума, аманны аман бла къуума.
Телиге акъыл салгъандан эсе, ёлгеннге джан салырса.
Нафысынгы айтханын этме, намысынгы айтханын эт.
Мадар болса, къадар болур.
Ашлыкъны арба юйге келтирир, чана базаргъа элтир.
Тёзгеннге, джабылгъан эшик ачылыр.
Ишлемеген – тишлемез.
Эл ауузу – элек, анга ийнаннган – халек.
Эллинг бла джау болсанг да, юйюнг бла джау болма.
Къызын тута билмеген, тул этер, джашын тута билмеген, къул этер.
Ичимден чыкъды хата, къайры барайым сата?
Къошда джокъгъа – юлюш джокъ.
Чабакъ башындан чирийди.
Ач къарынны, токъ билмез
Джарлы тюеге минсе да, ит къабар.
Иги сеники эсе да, сюйген кесимикин этеме.
Уллу суу бла уллу ауруудан башынгы сакъла.
Джылкъыдан – ат чыгъар, тукъумдан – джаш чыгъар.
Окъугъан озар, окъумагъан тозар.
Ойнай-ойнай кёз чыгъар.
Сагъыш – къартлыкъгъа сюйюмчю.
Ашхы – джыяр, аман – джояр.
Урунуу – насыбны анасы.
Кюн – узун, ёмюр – къысха.
Къарны аманнга къазан такъдырма, къолу аманнга от джакъдырма.
Къарнынг къанлынга кийирир.
Ётюрюкден тюбю джокъ, кёлтюрюрге джиби джокъ.
Сакъламагъан затынга джолукъсанг, не бек къууанаса, не бек ачыйса.
«Ёгюз, джаргъа джууукъ барма, меннге джюк боллукъса», - дегенди эшек.
Тилсиз миллет джокъ болур.
Ёгюзню мюйюзюнден тутадыла, адамны сёзюнден тутадыла.
Джылыгъа джылан илешир.
Намысы болмагъанны, сыйы болмаз.
Нарт сёз къарт болмаз.
Чомарт джарлы болмаз.
Малны кют, джерни тюрт.
Окъ къызбайны джокълайды.
Ачлыкъ отха секиртир.
Джеринден айырылгъан – джети джылар, джуртундан айырылгъан – ёлгюнчю джылар.

Логин:	Регистрация

Пароль:	Забыли пароль?

Запомнить меня

Аудио

Токова Альбина

Скачать

Адрес