Аудио :: Аудио:: Токова Альбина

Тойну къарнашы – харс, джырны къарнашы – эжиу.
Ауругъанны сау билмез, ач къарынны токъ билмез.
Юйлю уругъа ит чабмаз.
Кёкдеги болмаса, джердегин кёрмейди.
Шекер бла туз – бир болмаз, ушамагъан – юй болмаз.
Иги адам абынса да, джангылмаз.
Окъуусуз билим – джокъ, билимсиз кюнюнг – джокъ.
Аууздан келген, къолдан келсе, ким да патчах болур эди.
Адамны сыфатына къарама, сёзюне къара.
Кёб джат да, бек чаб.
Аманны къуугъан, аманлыкъ табар.
Этни да ашады, бетни да ашады.
Сескекли кесин билдирир.
Ёнгкюч къууана барыр, джылай келир.
Къонагъынгы артмагъын алма да, алгъышын ал.
Къумурсхала джыйылсала, пилни да джыгъадыла.
Ёпкелегенни ашы татлы болады.
Айыбны суу бла джууалмазса.
Къонакъ аз олтурур, кёб сынар.
Мал тутхан – май джалар.
Мен да «сен», дейме, сен да «кесим», дейсе.
Кийим тукъум сордурур.
Ата джурт – алтын бешик.
Чалманны аллы къалай башланса, арты да алай барады.
Ач – эснер, ат – кишнер.
Ёмюрлюк шохлукъну джел элтмез.
Ёлген эшек бёрюден къоркъмайды.
Эшекге миннген – биринчи айыб, андан джыгъылгъан – экинчи айыб.
Эркишини аманы тиширыуну джылатыр.
Бермеген къол, алмайды.
Джылар джаш, атасыны сакъалы бла ойнар.
Ариу сёз аурууунгу алыр.
Ашхы адам – халкъ байлыгъы, ашхы джер – джашау байлыгъы.
Джарашыу сюйген – джалынчакъ.
Биреу ашаб къутулур, биреу джалаб тутулур.
Минг тенг да азды, бир джау да кёбдю.
Къайтырыкъ эшигинги, къаты уруб чыкъма.
Адам бла мюлк юлешмеген эсенг, ол адамны билиб бошагъанма, деб кесинги алдама.
Тил – миллетни джаны.
Тёрдеги кюлсе, эшикдеги ышарыр.
Керти сёзге тёре джокъ.
Къартха ушагъан джаш – акъыллы, джашха ушагъан къарт – тели.
Айырылгъанланы айю ашар, бёлюннгенлени бёрю ашар.
Ашыкъгъан cуу, тенгизге джетмез.
Ётген ёмюр – акъгъан суу.
Элни кючю – эмеген.
Къонакъ аман болса, къонакъбай джунчур
Айран тёгюлсе, джугъусу къалыр.
Аш берме да, къаш бер.
Къарнынг бла ёч алма.

Логин:	Регистрация

Пароль:	Забыли пароль?

Запомнить меня

Аудио

Токова Альбина

Скачать

Адрес