Аудио :: Аудио:: Токова Альбина

Уллу сёзде уят джокъ.
Айтылгъан сёз ызына къайтмаз.
Кеси юйюмде мен да ханма.
Асхат ашлыкъ сата, юйдегиси ачдан къата.
Чыбыкълыкъда бюгюлмеген, къазыкълыкъда бюгюлмей эди.
Булут кёкге джарашыу, уят бетге джарашыу.
Иги бла джюрюсенг, джетерсе муратынга, аман бла джюрюсенг, къалырса уятха.
Намыс болмагъан джерде, насыб болмаз.
Джылыгъа джылан илешир.
Халкъгъа джарагъан, джарлы къалмаз.
Терслик кетер, тюзлюк джетер.
Таукелге нюр джауар.
Джиби бир къат джетмей эди да, эки къат тарта эди.
Чомарт бергенин айтмаз.
Махтаннган къыз, тойда джукълар.
Сескекли кесин билдирир.
Эки ойлашыб, бир сёлешген.
Джыгъылгъанны сырты джерден тоймаз.
Айранын берсенг, челегин да къызгъанма.
Уллу атлама – абынырса, уллу къабма – къарылырса.
Тик ёргени, тик энгишгеси да болады.
Джогъун бар этген, барын бал этген.
Абынмазлыкъ аякъ джокъ, джангылмазлыкъ джаякъ джокъ.
Кирсизни – саны таза, халалны – къаны таза.
Кюн кёрмеген, кюн кёрсе, кюндюз чыракъ джандырыр.
Адеб этмеген, адеб кёрмез.
Ёмюрлюк шохлукъну джел элтмез.
Эринчекни аурууу – кёб.
Ариу сёз аурууунгу алыр.
Башсыз урчукъ тюзюне айланмаз.
Халкъны джырын джырласанг, халкъ санга эжиу этер.
Ётюрюкню къуйругъу – бир тутум.
Оюмсуз атлагъан, аджалсыз ёлюр.
Башынга джетмегенни сорма.
Нарт сёз къарт болмаз.
Артына баргъанны, къатына барма.
Ашына кёре табагъы, балына кёре къалагъы.
Ёгюзню мюйюзлери ауурлукъ этмейдиле.
Къазанчы аман болса, къазаны къайнамаз.
Аш берме да, къаш бер.
Юйюнг бла джау болгъандан эсе, элинг бла джау бол.
Джеринден айырылгъан – джети джылар, джуртундан айырылгъан – ёлгюнчю джылар.
Эркишиге тары кебек танг кёрюнюр.
Тыш элде солтан болгъандан эсе, кесинги элде олтан болгъан игиди!
Къарнынг къанлынга кийирир.
Насыблы элин сюер, насыбсыз кесин сюер.
Айран тёгюлсе, джугъусу къалыр.
Келлик заман – къартлыкъ келтирир, кетген заман – джашлыкъ ёлтюрюр.
Сагъыш – къартлыкъгъа сюйюмчю.
Телини эшигин, махтау джабар.

Логин:	Регистрация

Пароль:	Забыли пароль?

Запомнить меня

Аудио

Токова Альбина

Скачать

Адрес