Аудио :: Аудио:: Гаев Тахир

Экеу тутушса, биреу джыгъылыр.
Эки итни арасына сюек атма, эки адамны арасында сёз чыгъарма.
Ауругъанны сау билмез, ач къарынны токъ билмез.
Болджал ишни бёрю ашар.
Гугурук къычырмаса да, тангны атары къалмаз.
Мухардан ач ычхынмаз.
Биреу къой излей, биреу той излей.
Тулпарлыкъ, билекден тюл – джюрекден.
Ишленмеген джаш – джюгенсиз ат, ишленмеген къыз – тузсуз хант.
Къонакъ болсанг, ийнакъ бол.
Юй кюйдю да, кюйюз чыкъды, ортасындан тюйюш чыкъды.
Халкъны юйю – туугъан джери.
Ётюрюкчюню шагъаты – къатында.
Къуру гыбыт бек дыгъырдар.
Эм уллу байлыкъ – джан саулукъ.
Джумушакъ терекни къурт ашар.
Билмезни кёзю кёрмез, этмезни къулагъы эшитмез.
Тойгъандан сора, ашны сёкме.
Джауумдан сора, кюн кюйдюрюр, ётюрюкден сора, айыб кюйдюрюр.
Ишни ахырын ойламай, аллын башлама.
Ёлген эшек бёрюден къоркъмайды.
Ауузу аманнга «иги», деме.
Хазыр ашха – терен къашыкъ.
Джарлыны эшигин махтагъан джабар.
Телиге акъыл салгъандан эсе, ёлгеннге джан салырса.
Тау башында, тау болмаз, джангыз терек, бау болмаз.
Джангыз терек къынгыр ёсер.
Адамны бетине къарама, адетине къара.
Бозаны арты дауур болур.
Джаханимни кёрмей, джандетге кёл салмазса.
Сыфатында болмагъаны, суратында болмаз.
Тас болгъан бычакъны сабы – алтын.
Ата Джуртун танымагъан, атасын да танымаз.
Кёл – къызбай, къол – батыр.
Тура эдим джата, къайдан чыкъды хата?
Акъыл къартда, джашда тюйюлдю – башдады.
Нарт сёз – тилни бети.
Джигер – джаннга къыйынлыкъ.
Кёбге таш атма.
Юйлю уругъа ит чабмаз.
Хансыз джомакъ болмаз.
Кёбден умут этиб, аздан къуру къалма.
Адам къаллай бир ишленмесе, аллай бир кесин уллу кёреди.
Сёз сёзню айтдырыр.
Огъурлуну сёзю – суу, огъурсузну сёзю – уу.
Ётюрюк хапар аякъ тюбю бла джюрюйдю.
Сабийликде юретмесенг, уллу болса – тюзелмез.
Акъыллы эркиши атын махтар, акъылсыз эркиши къатынын махтар.
Нарт сёз къарт болмаз.
Окъугъанны бети джарыкъ.

Логин:	Регистрация

Пароль:	Забыли пароль?

Запомнить меня

Аудио

Гаев Тахир

Скачать

Адрес