Аудио :: Аудио:: Гаев Тахир

Окъумагъан сокъурду, сокъур ташха абыныр!
Чомарт къонакъ юй иесин сыйлар.
Къатын къылыкъсыз, эр тынчлыкъсыз.
Намыс сатылыб алынмайды.
Малны кют, джерни тюрт.
Юйюнг бла джау болгъандан эсе, элинг бла джау бол.
Хата – гитчеден.
Адебсиз адам – джюгенсиз ат.
Ариу сёз аурууунгу алыр.
Тамбла алтындан бюгюн багъыр ашхы.
Сёз садакъдан кючлюдю.
Ариу джол аджал келтирмез.
Джарлы эскисин джамаса, къууаныр.
Кийиминг бла танылма, адамлыкъ бла таныл.
Эллинг бла джау болсанг да, юйюнг бла джау болма.
Тынгылагъан тынгы бузар.
Ашхы болсанг, атынг чыгъар, аман болсанг, джанынг чыгъар.
Чабакъ башындан чирийди.
Къарнынг бла ёч алма.
Иги сеники эсе да, сюйген кесимикин этеме.
Мал ёлсе, сюек къалыр, адам ёлсе, иши къалыр.
Аман киши кеси юйюнде – къонакъ.
Мураты болгъанны джюрек тебюую башхады.
Акъдан къара болмаз.
Халкъны юйю – туугъан джери.
Таукел тауну аудурур.
Элиб деген, элге болушур.
Дууулдаса – бал чибин, къонса – къара чибин.
Ач уят къоймаз.
Ашхы атаны – джашы ашхы, ашхы ананы – къызы ашхы.
Башы ишлегенни, ауузу да ишлер.
Тенгни тенглиги джашай барсанг билинир.
Къонакъ аман болса, къонакъбай джунчур
Экиндини кеч къылсанг, чабыб джетер ашхам.
Илму – джашауну джолу.
Кёбню кёрген – кёб билир.
Къанны къан бла джуума, аманны аман бла къуума.
Кенгеш болса, уруш болмаз.
Джырчы ёлсе, джыры къалыр.
Тойгъа барсанг, тоюб бар, эски тонунгу къоюб бар.
Джашда акъыл джокъ, къартда къарыу джокъ.
Къошда джокъгъа – юлюш джокъ.
Окъ къызбайны джокълайды.
Ашхы адам – халкъ байлыгъы, ашхы джер – джашау байлыгъы.
Ёзденликни джайгъан – джокълукъ.
Байлыкъдан саулукъ ашхыды.
Джумушакъ терекни къурт ашар.
Акъыллы эркиши атын махтар, акъылсыз эркиши къатынын махтар.
Ариу сёзде ауруу джокъ.
Эрни эр этерик да, къара джер этерик да, тиширыуду.

Логин:	Регистрация

Пароль:	Забыли пароль?

Запомнить меня

Аудио

Гаев Тахир

Скачать

Адрес