Аудио :: Аудио:: Загаштокова Фатима

Тойну къарнашы – харс, джырны къарнашы – эжиу.
Чомартха хар кюн да байрамды.
Билеги кючлю, бирни джыгъар, билими кючлю, мингни джыгъар.
Чоюнну башы ачыкъ болса, итге уят керекди.
Адам бла мюлк юлешмеген эсенг, ол адамны билиб бошагъанма, деб кесинги алдама.
Чёбню кёлтюрсенг, тюбюнден сёз чыгъар.
Тиширыусуз юй – отсуз от джагъа.
Чыбыкълыкъда бюгюлмеген, къазыкълыкъда бюгюлмей эди.
Ишленмеклик адамлыкъды.
Ауузу аманнга «иги», деме.
Бети – къучакълар, джюреги – бычакълар.
Зар адам ашынгы ашар, кесинги сатар.
Айтылгъан буйрукъ, сёгюлмез
Сагъышы джокъ – джукъучу, акъылы джокъ – къаугъачы.
Хар адамгъа кеси миннген тау кибик.
Адамны сабийин сюйген джюреги, бычакъча, джитиди.
Иги сеники эсе да, сюйген кесимикин этеме.
Къарнынг къанлынга кийирир.
Баш – акъыл ючюн, акъылман – халкъ ючюн.
Аманнга алтын чыдамаз.
Иги бла джюрюсенг, джетерсе муратынга, аман бла джюрюсенг, къалырса уятха.
Уллу айтханны этмеген – уллаймаз.
Алгъанда – джууукъ, бергенде – джау.
Баланы адам этген анады.
Билим ат болуб да чабар, къуш болуб да учар.
Гитче джилтин уллу элни джандырыр.
Адам къыйынлыгъын кёлтюрюр, зауукълугъун кёлтюрмез.
Дуния аламаты сен эсенг да, игиме деб айтма.
Айраннга суу къош, телиге джол бош.
Къонакъ аз олтурур, кёб сынар.
Къызгъанчдан ычхыныр, мухардан ычхынмаз.
Насыб бютеу халкъны юлюшюдю.
Билими азны – ауузунда кирит.
Дуния мал дунияда къалады.
Элге къуллукъ этмеген, элге ие болмаз.
Чыкълы кюнде чыкъмагъан, чыкъса къуру кирмеген.
Татлы тилде – сёз ариу, чемер къолда – иш ариу.
Кирсизни – саны таза, халалны – къаны таза.
Бет бетге къараса, бет да джерге къарар.
Адам боллукъ, атламындан белгили болур.
Кёлю джокъну – джолу джокъ.
Тойгъан антын унутур.
Джаралыны джастыгъында сау ёлюр.
Суу кетер, таш къалыр.
Адеби болмагъан къыз – тузсуз хант.
Эр абынмай, эл танымаз.
Аууз сакълагъан – джан сакълар.
Ойнай-ойнай кёз чыгъар.
Аз сёлешген, къайгъысыз турур.
Ашда уялгъан – мухар, ишде уялгъан – хомух.

Логин:	Регистрация

Пароль:	Забыли пароль?

Запомнить меня

Аудио

Загаштокова Фатима

Скачать

Адрес