Аудио :: Аудио:: Кипкеев Мудалиф

Билгенни къолу къарны джандырыр.
Адамны аты башхача, акъылы да башхады.
Ана къолу ачытмаз.
Кесинге джетмегенни, кёб сёлешме.
Джаханимни кёрмей, джандетге кёл салмазса.
Тик ёргени, тик энгишгеси да болады.
Тюз сёз баргъан сууну тыяр.
Ариу сёз джыланны орнундан чыгъарыр.
Сакъламагъан затынга джолукъсанг, не бек къууанаса, не бек ачыйса.
Ётюрюк хапар аякъ тюбю бла джюрюйдю.
Иги джашны ышаны – аз сёлешиб, кёб тынгылар.
Къыз чыгъаргъан – къызыл къымжа.
Ашарыкъда сайлагъаннга – чий гырджын.
Ойнай-ойнай кёз чыгъар.
Къонакъны къачан кетерин сорма, къачан келлигин сор.
Нёгерсизни джолу узун.
Тынгылагъан тынгы бузар.
Къанны къан бла джуума, аманны аман бла къуума.
Джылар джаш, атасыны сакъалы бла ойнар.
Ишлегенден, къарагъан уста.
Бет бетге къараса, бет да джерге къарар.
Эринчекни аурууу – кёб.
Дуния мал дунияда къалады.
Рысхы – насыбха къор.
Сибиртки да сыйлы болду, кюрек да кюнлю болду.
Джарлыны тону джаз битер.
Ёлген эшек бёрюден къоркъмайды.
Ким бла джюрюсенг, аны кёзю бла кёрюнюрсе.
Иги адамны бир сёзю эки болмаз.
Иги сёз – джаннга азыкъ, аман сёз башха – къазыкъ.
Къатын къылыкъсыз, эр тынчлыкъсыз.
Булут кёкге джарашыу, уят бетге джарашыу.
Кёз – сюйген джерде, къол – ауругъан джерде.
Башы ишлегенни, ауузу да ишлер.
Кёзню ачылгъаны – иги, ауузну джабылгъаны – иги.
Ханы къызы буюгъа-буюгъа киштик болду.
Берекет берсин деген джерде, берекет болур.
Сабыр джетер муратха, сабырсыз къалыр уятха.
Къарт айтханны этмеген, къартаймаз.
Бети къызарыучу адамны, джюреги харам болмаз.
Суу кетер, таш къалыр.
Джарлы тюеге минсе да, ит къабар.
Кюл тюбюндеги от кёрюнмейди.
Намыс сатылыб алынмайды.
Ичимден чыкъды хата, къайры барайым сата?
Аджашхан тёгерек айланыр.
Экиндини кеч къылсанг, чабыб джетер ашхам.
Джангызны оту джарыкъ джанмаз!
Ана къойну – балагъа джандет.
Чомартха Тейри да борчлуду.

Логин:	Регистрация

Пароль:	Забыли пароль?

Запомнить меня

Аудио

Кипкеев Мудалиф

Скачать

Альбом “АЛЬБОМ - 2006 год”

Скачать

Альбом “АЛЬБОМ - 2007 год”

Адрес