Аудио :: Аудио:: Текуев Амур

Эри аманны, къатыны – аман.
Ашын ашагъанынгы, башын да сыйла.
Бермеген къол, алмайды.
Къонакъ болсанг, ийнакъ бол.
Къарт айтханны этмеген, къартаймаз.
Халкъны джырын джырласанг, халкъ санга эжиу этер.
Арыгъан къош чамчы болур.
Айран тёгюлсе, джугъусу къалыр.
Тёрде – темир таякълы, къаяда – чыпчыкъ аякълы.
Ёлген эшек бёрюден къоркъмайды.
Эркишини аманы тиширыуну джылатыр.
Джауумдан сора, кюн кюйдюрюр, ётюрюкден сора, айыб кюйдюрюр.
Эки итни арасына сюек атма, эки адамны арасында сёз чыгъарма.
Ханнга да келеди хариблик.
Эртде тургъан бла эртде юйленнген сокъуранмаз.
Этни да ашады, бетни да ашады.
Тамбла алтындан бюгюн багъыр ашхы.
Оюмсуз атлагъан, аджалсыз ёлюр.
Кютгени беш эчки, сызгъыргъаны уа, джерни джарады.
Ашына кёре табагъы, балына кёре къалагъы.
Къонакъны къачан кетерин сорма, къачан келлигин сор.
Бетинги сатма, малынгы сат.
Биреуню тёрюнден, кесинги эшик артынг игиди.
Тил – кесген бычакъ, сёз – атылгъан окъ.
Aдам боллукъ, сыфатындан белгили.
Къаллай салам берсенг, аллай джууаб алырса.
Бозанг болмагъан джерге, къалагъынгы сукъма.
Къарнынг тойгъунчу аша да, белинг талгъынчы ишле.
Ишлемеген – тишлемез.
Ашхы болсанг, атынг чыгъар, аман болсанг, джанынг чыгъар.
Суугъа – таянма, джаугъа – ийнанма.
Тамчы таш тешер.
Къоркъакъны кёзю экили кёрюр.
Тил джюрекге джол ишлейди.
Эл ауузу – элек, анга ийнаннган – халек.
Накъырданы арты керти болур.
Джыйырма къойну юч джыйырма эбзе кюте эди.
Ойнай билмеген, уруб къачар.
Аман адамны тепсинге олтуртсанг, къызынгы тилер.
Ат басханны джер билед.
Къонагъынгы артмагъын алма да, алгъышын ал.
Аш кетер да бет къалыр.
Акъыллы башны – тили къысха.
Азыкълы ат арымаз, къатыны аман джарымаз.
Мухардан ач ычхынмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Билгенни къолу къарны джандырыр.
Ёлген аслан – сау чычхан.
Суу да къайтады чыкъгъан джерине.
Арбаз сайлама да, хоншу сайла.

Логин:	Регистрация

Пароль:	Забыли пароль?

Запомнить меня

Аудио

Текуев Амур

Скачать

Адрес