Аудио :: Аудио:: Чомаева-Семенова Ася

Айырылгъанланы айю ашар, бёлюннгенлени бёрю ашар.
Юйюнг бла джау болгъандан эсе, элинг бла джау бол.
Биреу къой излей, биреу той излей.
Иги сеники эсе да, сюйген кесимикин этеме.
Адамны артындан къара сабан сюрме.
Урама да – ёледи, сатама да – келеди.
Ханы къызы буюгъа-буюгъа киштик болду.
Дууулдаса – бал чибин, къонса – къара чибин.
Чоюнну башы ачыкъ болса, итге уят керекди.
Ариу сёз аурууунгу алыр.
Кёбден умут этиб, аздан къуру къалма.
Тил – миллетни джаны.
Къолунгдан къуймакъ ашатсанг да, атаны борчундан къутулмазса.
Ёнгкюч къууана барыр, джылай келир.
Болджал ишни бёрю ашар.
Аш иеси бла татлыды.
Аман эсирсе, юйюн ояр.
Окъуу – билимни ачхычы, окъуу – дунияны бачхычы.
Бетинги сатма, малынгы сат.
Къыз чыгъаргъан – къызыл къымжа.
Уллу къазанда бишген эт, чий къалмаз.
Билимли ёлмез, билимсиз кёрмез.
Къарт болгъан джерде, берекет болур, сабий болгъан джерде, оюн болур.
Ата – баланы уясы.
Айтылгъан буйрукъ, сёгюлмез
Баш – акъыл ючюн, акъылман – халкъ ючюн.
Къарны аманнга къазан такъдырма, къолу аманнга от джакъдырма.
Джарлы эскисин джамаса, къууаныр.
Ауузу аманнга «иги», деме.
Тёзген – тёш ашар!
Баланы адам этген анады.
Айныгъанлы алты кюн, тогъайгъанлы тогъуз кюн.
Битмегеннге сакъал – танг.
Аманнга алтын чыдамаз.
Экеулен сёлеше тура эселе, орталарына барыб кирме.
Тилсиз миллет джокъ болур.
Чомарт къонакъ юй иесин сыйлар.
Арпа, будай – ащды, алтын, кюмюш а – ташды.
Биреуге аманлыкъ этиб, кесинге игилик табмазса.
Ханнга да келеди хариблик.
Уллу къашыкъ эрин джыртар.
Аманны эки битли тону болур, бирин сеннге кийдирир, бирин кеси киер.
Аякъларынгы джууургъанынга кёре узат.
Окъ къызбайны джокълайды.
Малны кют, джерни тюрт.
Эл ауузу – элек, анга ийнаннган – халек.
Джаш болсун, къыз болсун, акъылы, саны тюз болсун.
Терек ауса, отунчу – кёб.
Юйюнгден чыкъдынг – кюнюнгден чыкъдынг.
Адам сёзге тынгыла, акъыл сёзню ангыла.

Логин:	Регистрация

Пароль:	Забыли пароль?

Запомнить меня

Аудио

Чомаева-Семенова Ася

Скачать

Адрес