Аудио :: Аудио:: Чомаева-Семенова Ася

Адеб базарда сатылмаз.
Тёрени джагъы джокъ.
Айтылгъан сёз ызына къайтмаз.
Къонагъы джокъну – шоху джокъ.
Намысы болмагъанны, сыйы болмаз.
Эркишини аманы тиширыуну джылатыр.
Къарны аманнга къазан такъдырма, къолу аманнга от джакъдырма.
Экеулен сёлеше тура эселе, орталарына барыб кирме.
Ойнай билмеген, оюн бузар.
Ашын ашагъанынгы, башын да сыйла.
Аз сёлешген, къайгъысыз турур.
Нёгерсизни джолу узун.
Мухарны эси – ашарыкъда.
Аманнга алтын чыдамаз.
Джарлыны тону джаз битер.
Баш – акъыл ючюн, акъылман – халкъ ючюн.
Ашаса, ашамаса да, бёрюню ауузу – къан.
Азыкъ аз болса, эртде орун сал.
Аз айтсам, кёб ангылагъыз.
Джауумдан сора, кюн кюйдюрюр, ётюрюкден сора, айыб кюйдюрюр.
Къозулугъунда тоймагъан, къойлугъунда тоймаз.
Чоюнну башы ачыкъ болса, итге уят керекди.
Байлыкъ тауусулур, билим тауусулмаз.
Тойгъа барсанг, тоюб бар, эски тонунгу къоюб бар.
Джарлы тюеге минсе да, ит къабар.
Билим – акъылны чырагъы.
Къарт бла баш аша, джаш бла аякъ аша.
Ишленмеген джаш – джюгенсиз ат, ишленмеген къыз – тузсуз хант.
Игиге айтсанг – билир, аманнга айтсанг – кюлюр.
Бир онгсуз адам адет чыгъарды, деб эштирик тюлсе.
Уруну арты – къуру.
Айырылмаз джууугъунга, унутмаз сёзню айтма.
Айранын берсенг, челегин да къызгъанма.
Кюн – узун, ёмюр – къысха.
Джерни букъусу кёкге къонмаз.
Сакъ юйюне сау барыр.
Хантына кёре тузу, юйюне кёре къызы.
Нёгер болсанг, тенг бол, тенг болмасанг, кенг бол.
Шайтан алдады, тюзлюк къаргъады.
Аджашхан тёгерек айланыр.
Эл ауузу – элек, анга ийнаннган – халек.
Джашынгы кесинг юретмесенг, джашау юретир.
Эринчекге кюн узун.
Эшекге миннген – биринчи айыб, андан джыгъылгъан – экинчи айыб.
Чакъырылгъанны аты, чакъырылмагъанны багъасы болур.
Къолунгдан къуймакъ ашатсанг да, атаны борчундан къутулмазса.
Ауругъан – джашаудан умутчу.
Кеси юйюмде мен да ханма.
Этим кетсе да, сюегим къалыр.
Сабийни джумушха джибер да, ызындан бар.

Логин:	Регистрация

Пароль:	Забыли пароль?

Запомнить меня

Аудио

Чомаева-Семенова Ася

Скачать

Адрес