Аудио :: Аудио:: Жашуев Башир

Джангызны оту джарыкъ джанмаз!
Тели турса – той бузар.
Ёксюзню тилеги къабыл болур.
Айныгъанлы алты кюн, тогъайгъанлы тогъуз кюн.
Къартны сыйын кёрмеген, къартлыгъында сыйлы болмаз.
Алим болгъандан эсе, адам болгъан къыйынды.
Сабийликде юретмесенг, уллу болса – тюзелмез.
Гугурук къычырмаса да, тангны атары къалмаз.
Сакъалы текени да бар, мыйыгъы киштикни да бар.
Ачны эсинде – аш.
Керилген да, ургъан кибикди.
Къатын къылыкъсыз, эр тынчлыкъсыз.
Бек ашыкъгъан меннге джетсин, дегенди аракъы.
Сютню башын джалагъан къутулур, тюбюн ичген тутулур.
Аман къатын алгъан, арыр, иги къатын алгъан джарыр.
Къайгъы тюбю – тенгиз.
Тёрдеги кюлсе, эшикдеги ышарыр.
Уллу атлама – абынырса, уллу къабма – къарылырса.
Аджашханны ызындагъы кёреди, джангылгъанны джанындагъы биледи.
Гугук кесини атын айтыб къычыргъанча, мен, мен деб нек тураса?
Тешигини къатында, чычхан да батыр болур.
Эркишиге тары кебек танг кёрюнюр.
Аджаллыгъа окъсуз шкок атылыр.
Къар – келтирди, суу – элтди.
Халкъны юйю – туугъан джери.
Нёгерсизни джолу узун.
Джигер – джаннга къыйынлыкъ.
Керек ташны ауурлугъу джокъ.
Ётюрюкню къуйругъу – бир тутум.
Ариу сёзде ауруу джокъ.
Тилчи бир сагъатха айлыкъ хата этер.
Айырылмаз джууугъунга, унутмаз сёзню айтма.
Келлик заман – къартлыкъ келтирир, кетген заман – джашлыкъ ёлтюрюр.
Аякъларынгы джууургъанынга кёре узат.
Айтхан сёзюне табылгъан.
Аман хансны – урлугъу кёб.
Тил – кесген бычакъ, сёз – атылгъан окъ.
Къазанда болса, чолпугъа чыгъар.
Къулакъдан эсе, кёзге ышан.
Бал чибинни ургъаны – ачы, балы – татлы.
Кёзюнде тереги болгъан, чёбю болгъаннга кюле эди.
Эки элинги тыйсанг, джети элде махталырса.
Итли къонакъ джарашмаз.
Махтаннган къыз, тойда джукълар.
Сагъышы джокъ – джукъучу, акъылы джокъ – къаугъачы.
Аджашхан тёгерек айланыр.
Билим – акъылны чырагъы.
Аманны тукъумуна къарама, игини тукъумун сорма.
Кёл ашады да, кеси ашады.
Адебсиз адам – джюгенсиз ат.

Логин:	Регистрация

Пароль:	Забыли пароль?

Запомнить меня

Аудио

Жашуев Башир

Скачать

Адрес