Песен: 11 Создан:
06.05.2015 Обновлен:
06.05.2015
| 25 Мая | 2020 года |
Навигация
- Халкъны юйю – туугъан джери.
- Къазанда болса, чолпугъа чыгъар.
- Кесине гебен этелмеген, биреуге черен эте эди.
- Ишленмеклик адамлыкъды.
- Адам къаллай бир ишленмесе, аллай бир кесин уллу кёреди.
- Гыдай эчки суугъа къараб, мюйюзле кёрмесе, джашма алкъын, дегенди.
- Къралынгы – душмандан, башынгы от бла суудан сакъла.
- Сёз садакъдан кючлюдю.
- Насыб бютеу халкъны юлюшюдю.
- Аманнга игилик этсенг, юйюнге сау бармазса.
- Адамны сыфатына къарама, сёзюне къара.
- Аллахха ийнаннган кишини, Аллах онгдурур ишин.
- Тынгылагъан тынгы бузар.
- Джырына кёре эжиую.
- Акъдан къара болмаз.
- Биреу ашаб къутулур, биреу джалаб тутулур.
- Айтылгъан сёз ызына къайтмаз.
- Урунуу – насыбны анасы.
- Минг тенг да азды, бир джау да кёбдю.
- Ойнай билмеген, уруб къачар.
- Ётюрюк хапар аякъ тюбю бла джюрюйдю.
- Къатын байлыкъны сюер, эр саулукъну сюер.
- Джерни букъусу кёкге къонмаз.
- Магъанасыз сёз – тауушсуз сыбызгъы.
- Къалгъан ишге къар джауар.
- Кийим тукъум сордурур.
- Окъуу – билимни ачхычы, окъуу – дунияны бачхычы.
- Чомартха Тейри да борчлуду.
- Ата – билек, ана – джюрек!
- Джауумдан сора, кюн кюйдюрюр, ётюрюкден сора, айыб кюйдюрюр.
- Ишге юренсин къоллары, халкъ бла болсун джоллары.
- Кёзюнде тереги болгъан, чёбю болгъаннга кюле эди.
- Тойчу джашха къарама, къойчу джашха къара.
- Сууда джау джокъ, кёб сёзде магъана джокъ.
- Асхат ашлыкъ сата, юйдегиси ачдан къата.
- Кёзю сокъурдан – къоркъма, кёлю сокъурдан – къоркъ.
- Шекер бла туз – бир болмаз, ушамагъан – юй болмаз.
- Кёкдеги болмаса, джердегин кёрмейди.
- Аджал соруб келмез, келсе, къайтыб кетмез.
- Таш бла ургъанны, аш бла ур.
- Ауузу аманнга «иги», деме.
- Экиндини кеч къылсанг, чабыб джетер ашхам.
- Адамны сабийин сюйген джюреги, бычакъча, джитиди.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашына кёре табагъы, балына кёре къалагъы.
- Онгсузну – джакъла, тенгликни – сакъла.
- Айыбны суу бла джууалмазса.
- Келинин тута билмеген, къул этер, къызын тута билмеген, тул этер.
- «Ма», - дегенни билмесенг, «бер», - дегенни билмезсе.
- Ариу джол аджал келтирмез.
Фонд содействия развитию карачаево-балкарской молодежи «Эльбрусоид»
© 2003-2020 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
