Песен: 5 Создан:
06.05.2015 Обновлен:
06.05.2015
| 14 Декабря | 2018 года |
Навигация
- Къан бла кирген, джан бла чыгъар.
- Аджашханны ызындагъы кёреди, джангылгъанны джанындагъы биледи.
- Ашына кёре табагъы, балына кёре къалагъы.
- Ауругъанны сау билмез, ач къарынны токъ билмез.
- Къыз тиширыу кеси юйюнде да къонакъды.
- Махтаннган къыз, тойда джукълар.
- Игиге айтсанг – билир, аманнга айтсанг – кюлюр.
- Тил – кесген бычакъ, сёз – атылгъан окъ.
- Адамгъа аман кюн соруб келмейди.
- Къонакъ хазыр болгъанлыкъгъа, къонакъбай хазыр тюлдю.
- Хар зат кесини орнуна иги.
- Кюн – узун, ёмюр – къысха.
- Уллу къазанда бишген эт, чий къалмаз.
- Айырылгъанланы айю ашар, бёлюннгенлени бёрю ашар.
- Ёлмесенг да, къарт дамы болмазса?
- Ишни аллы бла къууанма да, арты бла къууан.
- Бастасын ашагъан, хантусун да ичер.
- Сангырау къулакъ эл бузар.
- Акъыллы башны – тили къысха.
- Джашлыкъ этмеген, башлыкъ этмез.
- Къарны аманнга къазан такъдырма, къолу аманнга от джакъдырма.
- Тенгни тенглиги джашай барсанг билинир.
- Этек чакъмакълары баш джаргъан, сёлешген сёзлери таш джаргъан.
- Адам туугъан джеринде, ит тойгъан джеринде.
- Аш хазыр болса, иш харам болур.
- Таукел адам тау тешер.
- Мал ёлсе, сюек къалыр, адам ёлсе, иши къалыр.
- Эл бла кёргенинг эрелей.
- Арбаз сайлама да, хоншу сайла.
- Ата Джуртча джер болмаз, туугъан элча эл болмаз.
- Окъумагъан сокъурду, сокъур ташха абыныр!
- Бозаны арты дауур болур.
- Ёнгкюч къууана барыр, джылай келир.
- Садакъачыны джаны – къапчыгъында.
- Билим насыб берир, билим джолну керир.
- Ашлыкъны арба юйге келтирир, чана базаргъа элтир.
- «Ёгюз, джаргъа джууукъ барма, меннге джюк боллукъса», - дегенди эшек.
- Аман эсирсе, юйюн ояр.
- Ашатыргъа иш – ашхы, ишлетирге аш – ашхы.
- Аз сёлеш, кёб ишле.
- Чомарт джарлы болмаз.
- Тилчиден кери бол.
- Ёзденликни кёбю ётюрюк.
- Тёзген – тёш ашар!
- Айныгъанлы алты кюн, тогъайгъанлы тогъуз кюн.
- Аджал соруб келмез, келсе, къайтыб кетмез.
- Эл ауузу – элек, анга ийнаннган – халек.
- Адам къыйынлыгъын кёлтюрюр, зауукълугъун кёлтюрмез.
- От этилмеген джерден тютюн чыкъмайды.
- Бюгюн дуния кибик, тамбла ахыратды.
Фонд содействия развитию карачаево-балкарской молодежи «Эльбрусоид»
© 2003-2018 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
