Песен: 17 Создан:
06.05.2015 Обновлен:
06.05.2015
| 15 Мая | 2025 года |
Навигация
- Гугук кесини атын айтыб къычыргъанча, мен, мен деб нек тураса?
- Сагъыш – къартлыкъгъа сюйюмчю.
- Таугъа чыгъаллыкъ эсенг, тюзде къалма.
- Тыш элде солтан болгъандан эсе, кесинги элде олтан болгъан игиди!
- Къарнынг бла ёч алма.
- Джумушакъ сёз къаты таякъны сындырыр.
- Эки ойлашыб, бир сёлешген.
- Къайтырыкъ эшигинги, къаты уруб чыкъма.
- Ханнга да келеди хариблик.
- Юйюнг бла джау болгъандан эсе, элинг бла джау бол.
- Хантына кёре тузу, юйюне кёре къызы.
- Джети тилни билген джети кишиди.
- Тил бла келеди джыр да.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ичимден чыкъды хата, къайры барайым сата?
- Акъыллы айтыр эди, акъылсыз къоймайды.
- Эки итни арасына сюек атма, эки адамны арасында сёз чыгъарма.
- Эр абынмай, эл танымаз.
- Ишлемеген – тишлемез.
- Къонагъынгы артмагъын алма да, алгъышын ал.
- Джюрек кёзден алгъа кёрюр.
- Чомарт джарлы болмаз.
- Джарлыны тону джаз битер.
- Ана къойну – балагъа джандет.
- Эринчекни эр алмаз, эр алса да, кёл салмаз, кёл салса да, кёб бармаз!
- Уллу къашыкъ эрин джыртар.
- Акъыл неден да кючлюдю.
- Акъыл бла адеб эгизледиле.
- Ётюрюкчюню шагъаты – къатында.
- Чарсда алчыны эл кёреди.
- Аманны эки битли тону болур, бирин сеннге кийдирир, бирин кеси киер.
- Тешигини къатында, чычхан да батыр болур.
- Таукел адам тау тешер.
- Ашхы болсанг, атынг чыгъар, аман болсанг, джанынг чыгъар.
- Тёзгеннге, джабылгъан эшик ачылыр.
- Танг атмайма десе да, кюн къоярыкъ тюйюлдю.
- Ишлерге уял да, ашаргъа табма.
- Кесине гебен этелмеген, биреуге черен эте эди.
- Адам сёзюнден белгили.
- Ашхы атаны – джашы ашхы, ашхы ананы – къызы ашхы.
- Тойну къарнашы – харс, джырны къарнашы – эжиу.
- Къозулугъунда тоймагъан, къойлугъунда тоймаз.
- Сагъышы джокъ – джукъучу, акъылы джокъ – къаугъачы.
- Тил джюрекге джол ишлейди.
- Чакъырылмагъан къонакъ – орунсуз.
- Суу да къайтады чыкъгъан джерине.
- Юйлю уругъа ит чабмаз.
- Джылкъыдан – ат чыгъар, тукъумдан – джаш чыгъар.
- Абынмазлыкъ аякъ джокъ, джангылмазлыкъ джаякъ джокъ.
- Чакъырылмагъан къонакъ къачан кетерин сормаз.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
