Аудио :: Аудио:: ТАУЛУ (группа)

Ётюрюкден тюбю джокъ, кёлтюрюрге джиби джокъ.
Джукъу тёшек сайламайды.
Сескекли кесин билдирир.
Игини сыйлагъан адетди.
Иги адам абынса да, джангылмаз.
Джашны джигитлиги сорулур, къызны джигерлиги сорулур.
Окъуусуз билим – джокъ, билимсиз кюнюнг – джокъ.
Къобан да къуру да къобханлай турмайды, адам да къуру да патчахлай турмайды.
Байны оноуу, джарлыгъа джарамаз.
Джауумдан сора, кюн кюйдюрюр, ётюрюкден сора, айыб кюйдюрюр.
Тас болгъан бычакъны сабы – алтын.
Атынг аманнга чыкъгъандан эсе, джанынг тамагъынгдан чыкъсын.
Чомартха Тейри да борчлуду.
Уллу къашыкъ эрин джыртар.
Тилчиден кери бол.
Келинин тута билмеген, къул этер, къызын тута билмеген, тул этер.
Къайгъы тюбю – тенгиз.
Бозанг болмагъан джерге, къалагъынгы сукъма.
Ёнгкюч къууана барыр, джылай келир.
Тойну къарнашы – харс, джырны къарнашы – эжиу.
Сёз къанатсыз учар.
Башланнган иш битер, къымылдагъан тиш тюшер.
Азыгъы аз, алгъа къабар, аты аман, алгъа чабар.
Ариуну – ауруу кёб.
Ачылгъан эт джабылыр, кёрген кёз унутмаз.
Кёрмегеннге кебек – танг, битмегеннге сакъал – танг.
Билим къая тешер.
Джангызны оту джарыкъ джанмаз!
Арбаз къынгырды да, ийнек сауалмайма.
Ушамагъан – джукъмаз.
Арпа, будай – ащды, алтын, кюмюш а – ташды.
Хата – гитчеден.
Окъумагъан сокъурду, сокъур ташха абыныр!
Ёпкелегенни ашы татлы болады.
Ким бла джюрюсенг, аны кёзю бла кёрюнюрсе.
Къарнынг ауруса, ауузунгу тый
Акъыллы башны – тили къысха.
Ойнаб айтсанг да, эслеб айт.
Бети къызарыучу адамны, джюреги харам болмаз.
Акъыллы айтыр эди, акъылсыз къоймайды.
Терек ауса, отунчу – кёб.
Экеу тутушса, биреу джыгъылыр.
Джумушакъ терекни къурт ашар.
Элде адам къалмаса, ит тахтагъа минер.
Ашхы адам – халкъ байлыгъы, ашхы джер – джашау байлыгъы.
Этни бети бла шорпасы.
Ашхы атаны – джашы ашхы, ашхы ананы – къызы ашхы.
Зар адамны насыбы болмаз.
Окъугъан – асыу, окъумагъан – джарсыу.
Эл бла кёргенинг эрелей.

Логин:	Регистрация

Пароль:	Забыли пароль?

Запомнить меня

Аудио

ТАУЛУ (группа)

Скачать

Адрес